Maður á fertugsaldri í öndunarvél: „Metfjöldi innanlandssmita og búist er við enn fleiri smitum“

Alls greindust 167 manns með COVID-19 inn­an­a­lands í gær og hafa svo mörg smit ekki greinst á einum degi í far­aldr­inum. 122 voru utan sótt­kvíar sem er líka met.

16 eru á sjúkra­húsi vegna sjúk­dóms­ins, þar af eru fimm á gjör­gæslu. Þar af eru 15 á Land­spít­ala og er með­al­aldur þeirra 57 ár. Ungbarn sem lá inni í gær er ekki lengur á spít­ala. Maður á fer­tugs­aldri er í hjarta- og önd­un­ar­vél. Um það bil 2 pró­sent af þeim sem fá Covid-19 leggj­ast inn á spít­ala eða um það bil 1 á dag.

1.088 sjúk­lingar, þar af 243 börn, í COVID göngu­deild Land­spít­al­ans. Nýskráðir þar í gær voru 137 full­orðnir og 22 börn.

Sam­komu­tak­mark­an­ir verða hert­ar og farið verður úr 2.000 manns niður 500 og grímu­skylda tek­in upp á sitj­andi við­burðum og í versl­un­um. Þá verður op­un­ar­tími skemmti­staða stytt­ur um tvo klukku­tíma og skal þeim lokað klukk­an ell­efu.

Hert­ar tak­mark­an­ir taka gildi á mið­viku­dag í næstu viku og munu gilda í fjór­ar vik­ur.

Þetta sagði Svandís Svavars­dótt­ir heil­brigð­is­ráð­herra að lokn­um rík­is­stjórn­an­ar­fundi í morg­un.

Bylgjan að rísa hærra en kerfið þolir

„Við vitum það miðað við Delta-afbrigðið og hvernig það hefur hegðað sér að það fara 2% af þeim sem grein­ast leggj­ast inn á sjúkra­hús. Svo til­tek­inn hluti af þeim sem fara á gjör­gæslu“ sagði Svandís. „Svo við vitum miðað við töl­urnar við hvað við erum að eiga“.

Hún segir miðað við áætl­anir og plan Land­spít­ala myndum við ráða við 40-50 smit á dag í sam­fé­lag­inu. En síð­ustu aflétt­ingar séu að verða til þess að bylgjan sé að rísa hærra en kerfi okkar þoli.

Sögulegt minnisblað frá Þórólfi

Ekki verður greint frá hvort gripið verður til hertra aðgerða inn­an­lands, og þá hvaða aðgerða, fyrr en eftir fund rík­is­stjórnar klukkan hálf tíu.

Svandís sagði þó að minn­is­blað Þórólfs hefði verið óvenju­legt að þessu sinni. Þar hafi hann rekið sögu far­ald­urs­ins og aðgerða sem gripið hafi verið til. Hann fjalli um hvað hafi virkað og hvað ekki, og færi með því rök fyrir því að þurfi að grípa fljótt inn með aðgerðum. Þá stefni þau að því að ná fjölda smita aftur niður í 40-50 á dag og við­halda því.

Aðgerðir sem Þórólfur leggur til segir Svandís að snú­ist meðal ann­ars um fjölda­tak­mark­anir, grímunotkun og opn­un­ar­tíma.

Heimild RÚV