Tuttugasta sýningin í Ráðhúsi Reykjavíkur: „Mér finnst þetta svo dapurt“

Fjár­fram­lög til sjálfs­eign­ar­stofn­un­ar­innar Hand­verks og hönn­unar hafa ekki hækkað frá því fyrir hrun og hefur báðum starfs­mönnum þess verið sagt upp.Margir þekkja til hönn­un­ar­sýn­ing­ar­innar Handverk og hönnun sem haldin er í Ráð­hús­inu ár hvert. „Það er þá tuttug­asta og síð­asta sýn­ingin og þarna eru um og yfir sjö­tíu sýn­inga­básar, aðilar sem eru að sýna, alls­staðar að af land­inu. Þetta er fólk í vefn­aði, þetta er leir­ker­a­fólk, það er í tálgun, útskurði og skart­gripum,“ segir Páll.Handverk og hönnun hefur haldið utan um hand­verks­fólk síðan um miðjan tíunda ára­tug­inn. Páll Krist­jáns­son hnífa­smiður og einn stofn­enda segir mörg hund­ruð ein­yrkja alls­staðar af land­inu hafa notið stuðn­ings sjálfs­eign­ar­stofn­un­ar­innar.„Handverk og hönnun er á þeim punkti að það verður lagt niður nú um ára­mót. Mér finnst þetta svo dap­urt. Ég er orð­inn gam­all karl en mér finnst það svo dap­urt fyrir ungt fólk sem þarf þennan stuðn­ing til að koma sér á fram­færi í byrjun því að um leið og þú er búinn að fá þennan stuðn­ing eflist sjálfs­trausið þitt líka,“ segir Páll.

Stuðn­ingur við Handverk og hönnun hefur komið frá Mennta­mála­ráðu­neyt­inu. „En hefur ekki fengið neina hækkun á fjár­magni síðan í krepp­unni þannig að það vantar fjár­magn til að halda áfram rekstri og nú er búið að segja báðum starfs­mönnum upp,“ segir Páll.