Hugrún illa bitin af hundi í Breiðholtinu:„Þarna stend ég öll í blóði og hundurinn minn líka“

Hugrún Hregg­viðs­dóttir varð fyrir árás dökks boxer-hunds í neðra Breið­holti að morgni 2. nóv­em­ber. Vill hún kom­ast í sam­band við eig­anda hunds­ins, enda hefur árásin haft mjög slæmar afleið­ingar fyrir hana en hún situr uppi með kostnað og heilsutap.

DV fjall­aði um málið í dag en Hugrún lýsir árásinni í Facebook-hópi íbúa Breið­holts.

„Þann 2 nóv­em­ber var ég að labba með dóttir mína á leik­skól­ann hér í neðra Breið­holti og tók hund­inn minn með til að leyfa honum að pissa í leið­inni.

Ég var búin að færa okkur í smá fjar­lægð því ég vissi að að 1 árs hund­ur­inn minn á það til að fara í vernd­ar­hug og sýna smá urr. Hundur nálg­ast og minn fer í stell­ingu og urrar smá­vægi­lega. Þegar ég labba og sparka í átt­ina að mínum hundi til að engin slags­mál yrðu þá stekkur stór boxer á mig, ég tel hann lík­leg­ast boxer blöndu því hann var frekar stór meðað við hreinan boxer. Mig minnir að hann hafi verið dökkur.

Þarna stend ég öll í blóði, gang­stétt öll í blóði og hund­ur­inn minn líka. Eig­and­inn kíkir á hund­inn sinn sem ég skil 100% og ég spyr á ensku og íslensku hvort allt sé í lagi en  eig­and­inn struns­aði í burtu. Þetta er smátt og smátt að rifj­ast upp en það sem mig lang­aði að athuga er hvort ein­hver kann­ist við dökkan boxer eða box­er­blend­ing, lík­leg­ast var erlend mann­eskja með hann.“

Afleið­ingar bits­ins

Mynd: birt með leyfi Hugrúnar

Afleið­ing­arnar af árásinni eru skelfi­legar fyrir Hugrúnu en hún hefur í nokkur skipti þurft á sýkla­lyfja­gjöf að halda og eru tauga­læknir, smit­sjúk­dóma­læknir á bráða­lyf­lækni­deild sem og skurð­læknir komnir í málið.

„Það er komin alvar­leg sýk­ing sem er verið að reyna ná niður en gengur hægt, sýk­ingin er byrjuð að fær­ast upp hand­ar­bakið. Ég þurfti að fara í aðgerð því sin og taug fóru í sundur og fæ ég lík­leg­ast aldrei til­finn­ingu aftur í þennan putta.

Í guð­anna bænum farið var­lega í myrkr­inu á morgn­ana, þó ég hafi fært mig ca 5-6 m frá þá gerð­ist þetta samt. Hund­ur­inn minn getur verið með mik­inn dólg en hann hefur ALDREI ráð­ist á fólk eða meitt neinn. Border collie minn er komin í mikla með­ferð því hann er komin með svaka­legn kvíð og hræddur að mæta öllum hundum, hvað þá ef þeir nálg­ast mig.“

Í sam­tali við DV segir Hugrún að VÍS, sem er hennar trygg­inga­fé­lag, bæti henni ekki þessa árás og seg­ist hún vera komin í mínus, fjár­hags­lega vegna kostn­aðar eftir árás­ina. Tekur hún fram að hún vilji ekki vor­kunn en vill kom­ast í sam­band við eig­anda box­ers­ins.

Fréttin hefur verið upp­færð. Hund­eig­and­inn er fund­inn.