Lækna-Tómas vill Björn Inga á Landspítalann: „Er þetta virkilega flughæðin sem við viljum?“

Tómas Guð­bjarts­son, yfir­læknir á Land­spít­al­anum, er þeirrar skoð­una að opna eigi jafn­vel aftur fyrir umsóknir um starf for­stjóra sjúkra­húss­ins til að gefa fjöl­miðla­mann­inum Birni Inga Hrafns­syni tæki­færi að sækja um. Ástæðan sé sú að sá síð­ar­nefndi viti svo mikið um hvernig leysa eiga neyð­ar­á­standið á spít­al­anum.

Hjarta­skurð­lækn­ir­inn Tómas hjólaði í ráð­herra Sjálf­stæð­is­flokks­ins, þær Áslaugu Örnu Sig­ur­björns­dóttur dóms­mála­ráð­herra og Þórdísi Kolbrúnu R. Gylfa­dóttur, iðn­aðar- og ferða­mála­ráð­herra. Þær vilja afnema allar Covid-tak­mark­anir hér á landi, í nafni ein­stak­lings­frelsis, en yfir­lækn­ir­inn segir ráð­herrana berja í falskar póli­tískar bumbur.

Þá lýsti Tómas yfir neyð­ar­á­standi á Land­spít­al­anum en fékk yfir sig miklar skammir fyrir, meðal ann­ars frá Birni Inga. Var lækn­ir­inn sak­aður um karl­remdu og hroka en Tómas og Björn Ingi mætt­ust í Kast­ljós­inu í gær til að ræða málin. Hjarta­lækn­ir­inn er ekki sáttur eftir þátt­inn:

„Lágflug með Viljann að vopni. Hann hafði um morg­un­inn, með sinn einka­miðil að vopni, skrifað harð­orða grein þar sem ég er í fyr­ir­sögn sagður karl­remba og hald­inn lækna­hroka. Þetta fór illa í Björn Inga sem ákvað að birta – að mér finnst – afar ósmekk­lega grein í örmiðli sínum Viljanum. Fjöl­miðlar bitu síðan á agnið. Það er skrítið hvað æðstu ráða­menn eru orðnir við­kvæmir fyrir gagn­rýni,“ segir Tómas og bætir við:

„Er þetta virki­lega flug­hæðin sem við viljum í umræð­unni um Land­spít­al­ann? Ekki skrítið að fleiri kollegar stígi ekki fram og greini frá ástand­inu á spít­al­anum – sem í þessum töl­uðum orðum stefnir í neyð­ar­á­stand. Annars virt­ist Björn Ingi vita nákvæm­lega hvernig eigi að leysa málin – og því spurn­ing um að opna aftur fyrir umsóknir um for­stjóra­djobbið?“