Elín hefur samanlagt verið sex vikur í sóttkví: „Geri ekki greinarmun á Cherrios og nautasteik“

Elín Þ. Þor­steins­dóttir skrifar bráð­fyndna færslu á Facebookvegg sinn á dög­unum þar sem hún fagnar því að vera loks­ins búin að ljúka 11 daga sótt­kví. Alls hefur hún þurft að dúsa í sótt­kví í sex vikur frá upp­hafi far­ald­urs­ins.

„6 vikur í sótt­kví! Kæru FB vinir, nú eru aðeins tæpar 4 klst. þangað til ég losna úr 11 daga Covid-sótt­kví, sú fimmta í röð­inni en í þetta skiptið með réttu! Reikna samt ekki með rjúka niður í miðbæ á mið­nætti. Allt í góðu með mig fyrir utan að bragð- og lykt­ar­skyn vantar ennþá! Auglýsi hér með eftir því, geri engan grein­ar­mun á Cherios og nauta­steik! Á bókað út að borða á morgun, spurn­ing hvort ég aflýsi því ekki?

Takk inni­lega fyrir hlýjar hvatn­ingar Covid-kveðjur.

Er þakk­lát fyrir að hafa fengið þetta eftir 2 sprautur og 5 sótt­kvíar en í heild­ina er ég búin að eyða 6 vikum í sótt­kví frá upp­hafi far­ald­urs sem kenndi mér m.a. að vinna í fjar­vinnu og stunda leik­fimi heima! En er ekki komið nóg?  Nú fer ég út í hið dag­lega líf með axla­bönd og belti, full af mótefni til í hvað sem er!

Hvað varð ann­ars um eld­gosið? Missti ég af ein­hverju?“