Barn tekið með keisaraskurði vegna Covid-veikinda móðurinnar – Fyrsta sinn síðan faraldurinn hófst

Taka þurfti barn með keis­ara­skurði á Land­spít­al­anum fyrr í mán­uð­inu vegna alvar­legra Covid-veik­inda móð­ur­innar. Móður og barni heils­ast eftir atvikum.

Rík­is­út­varpið greindi frá þessu í dag. Konan lagð­ist inn á gjör­gæslu vegna alvar­legra Covid-veik­inda og fór hún á end­ingu í önd­un­ar­vél.

Vegna þess hversu langt konan var komin í með­göng­unni, var ekki hægt að leggja hana á grúfu til að opna svæði aft­ast í lung­unum eins og gert er þegar fólk með þetta alvar­leg Covid-veik­indi, til að laga loft­skiptin. Var því ákveðið að taka barnið með keis­ara­skurði.

Samkvæmt Rúv er þetta í fyrsta skipti sem gripið er til þessa úrræðis hér á landi í far­aldr­inum en erlendis hefur þetta þekkst hjá Covid-veikum mæðrum.

Móðirin er sam­kvæmt Rúv ekki lengur í önd­un­ar­vel og heils­ast henni og barn­inu eftir atvikum. Ekki vildi Land­spít­al­inn tjá sig um málið við Rúv þegar leitað var eftir því.