Ómar og miðbæjarelítan æf vegna skemmdarverka: „Hvaða gerpi gerir svona!“

Ómar nokkur, íbúi í mið­borg­inni, er ugg­andi yfir skemmd­ar­verka­hr­inu sem virð­ist vera í mið­bænum þar sem veggjakroti með rasískum skila­boðum er krotað á hús. Síðustu daga hefur verið krotað á að minnsta kosti þrjú hús í mið­borg­inni.

Þessa mynd birti Ómar en þarna stendur: „Locals onlly“

Ómar vekur máls á vand­anum í hópi hverf­is­búa á Facebook og birtir þar mynd af veggjakroti þar sem finna þurfi söku­dólg­inn hið fyrsta.

Margir íbúar mið­borg­ar­innar taka undir og furða sig á þessum rasísku veggjakrotum. Christer er einn þeirra. „Sá þetta í gær og hugs­aði einmitt það sama. Hver er til­gang­ur­inn?,“ spyr Christer. 

Guðrún nokkur er miður sín. „Ömurlegt – mála strax yfir þetta,“ segir Guðrún. Helga er sam­mála því að finna þurfi söku­dólg­inn. „Sammála, þetta er skemmd­ar­verk,“ segir Helga.

Lovísa segir vand­ann víða. „Þetta popp­aði upp á nokkrum stöðum um síð­ustu helgi. Helvítis skemmd­ar­vargar,“ segir Lovísa. Og Daði er sömu skoð­unar og vill aðgerðir. „Þarf að skera upp herör gegn þessu. Þetta er komið yfir öll vel­sæm­is­mörk,“ segir Daði.