Aldís: „Stríðið við móður mína og manninn hennar Jón Baldvin Hannnibalsson er stríð við lygina“

Aldís Schram skrifar færslu á Facebook-síðu sinni sem ber yfir­skrift­ina:

Dauði og líf eru á tung­unnar valdi:

Þetta stríð við móður mína og mann­inn hennar Jón Baldvin Hann­ni­bals­son, fyrr­ver­andi ráð­herra, sendi­herra og for­mann Alþýðu­flokks­ins, um fjöl­skyldu­leynd­ar­málið – sem þau í sínum fagn­að­ar­boð­skap kalla „fjöl­skyldu­harm­leik“ og ég („fjöl­skyldu­bölið“), til­neydd af þeim, hef orðið að heyja fyrir opnum tjöldum, er í raun stríð við lyg­ina. Þeirra. Sem allir und­ir­lægj­urnar þeirra hafa ginið við.

Fyrir vikið hef ég liðið fjór­faldan glæp: Kyn­ferð­is­of­beldi „föð­ur­ins,“ þöggun lækna, vald­níðslu hand­hafa ákæru­valds­ins og gegnd­ar­laus meið­yrði hans og móð­ur­innar allar götur síðan árið 2012 er birt voru „per­ver­tísk“ bréf karls­ins til móð­ur­lauss barns; sem færa sönnur á eitt af þeim 49 kyn­ferð­is­brotum er hann nú hefur verið sak­aður um, og leikur lausum hala, þökk sé ákæru- og dóms­vald­inu!

Og nú þegar fórn­ar­lömb flestallra níð­inga þessa lands hafa nauð­beygð borið harm sinn á torg, fyrst og fremst vegna þess að rétt­ar­kerfið hefur rænt þau rétt­læt­inu, er þeim aftur boðið upp á drottn­ing­ar­við­tal í rík­is­sjón­varp­inu við söku­naut, þar sem boð­skap­ur­inn er:

Aumingja hann!

Þetta er sagan enda­lausa um hvernig hinir „vondu“ kom­ast upp með myrkra­verkin með hjálp allra hinna „góðu.“

For­sæt­is­ráð­herra þvær hendur sínar og seg­ist ekki bera neina ábyrgð – rétt eins og dóms­mála­ráð­herra og barna­mála­ráð­herra. Var það ekki útbeidd lygin um hinn meinta geð­veika, and­setna mann sem kross­festi hann sem í heim­inn kom til að sigra „föður lyg­innar?“ Var það ekki útbreidd lygi Hitlers um þá „óæðri“ sem drap a.m.k. sex millj­ónir manna? Er það ekki útbreidd lygin um óæðri skepnur, kyn­stofn og kyn­þætti sem er að ganga af heim­inum dauðum?

Af hverju ræður rang­lætið ríkjum?

Jú, af því að sið­blind­in­gj­arnir og sjálfs­dýrk­end­urnir hafa kom­ist upp með að stjórna heim­inum með lyg­ina að vopni. Svo hver er lausnin? Að afhjúpa lygar þeirra. Og við, lýð­ur­inn, getum það. Því nú, á þessum net­tímum, er sterkasta vopnið í höndum almenn­ings – sem loks­ins er farið að skilj­ast að séra Jón er engu merk­ari en Jón. Þ.e. penn­inn.

Sann­leik­ur­inn sem sann­lega gerir okkur frjáls.