Sigurður útvarpsmaður: „Ég var svo viss um að allt myndi snúast gegn mér ef ég kæmi út úr skápnum“

„Ástæðan fyrir því að ég er svona glöð mann­eskja í dag er senni­lega að ég lifði þetta bara bók­staf­lega af. Ég er svo þakk­látur að hafa komið út úr skápnum og fengið þetta verk­efni í líf­inu. Þetta er það besta sem gat komið fyrir mig, þú ferð í svo mikla sjálfs­skoðun og þetta er mikið upp­gjöf við sjálfan þig.“

Í þætt­inum Framkoma á Stöð 2 í gær­kvöldi fékk Fannar Sveins­son að fylgj­ast með þremur Íslend­ingum áður en þeir stigu á svið.

„Talandi um það að ég sé svo oft fastur í hausnum á mér og býst alltaf við verstu mögu­legu útkom­unni. Ég bjóst ekki við því að ég gæti unnið í því sem ég vildi vinna í ef ég kæmi út úr skápnum,“ segir Sigurður sem vinnur í dag sem útvarps­maður á K100 og hefur alla tíð ætlað sér að starfa í útvarpi.

Um var að ræða þau Sigurð Gunn­ars­son útvarps­mann, Álfheiði Erlu Guð­munds­dóttir óperu­söng­konu í Basel og Örn Árnason leik­ara.

Í þætt­inum fór Siggi Gunnars yfir þann tíma þegar hann kom út úr skápnum 25 ára.

„Ég var svo viss um að allt myndi snú­ast gegn mér ef ég kæmi út úr skápnum. Innri for­dóm­arnir eru yfir­leitt verstu óvin­irnir. Þú ert með svo mikla inn­byggða for­dóma gagn­vart sjálfum þér. Ég var bara búinn að búast við því að fjöl­skyldan myndi snúa við mér bak­inu, vin­irnir myndu snúa við mér bak­inu og heim­ur­inn myndi bara hrynja. Ég er að fatta að ég sé hommi 11, 12 ára og hverjum ein­asta degi í tíu ár ert þú að hugsa, ég er slæmur, ég er hræði­legur, ég er ógeð,“ segir Siggi og heldur áfram.