Steinar Immanuel Sörensson skrifar færslu í Facebook-hópnum Baráttuhópur gegn ofbeldismenningu sem byrjar svona:
„Ég ætla nú að leyfa mér að hrósa Jóni Gunnarssyni, ég er búinn að vera að berjast fyrir því í 15 ár að ofbeldi sem ég og um 80 börn sem vistuð voru á barnaheimili á Hjalteyri við eyjafjörð yrði rannsakað, og öll þessi ár aðeins verið hundsaður.
Bent á að þetta verði ekkert rannsakað því þetta var ekki ríkisrekið, enginn hefur hlustað, ekki forsætisráðherra þrátt fyrir að ég hafi ítrekað sett mig í samband við hana, ekki fyrrverandi ráðherrar, ekki þingmenn eða konur, ekki velferðanefnd, ekki vistheimilanefnd, ekki nokkur maður eða kona, og það þrátt fyrir að ég já og fleiri sem þarna vorum höfðum reynt að vekja athygli á þessu ítrekað,“ ritar Steinar og bætir við:
„þessi hundsun er ofbeldi í sjálfu sér, 3 dögum eftir að Jón tekur við Dómsmálaráðuneytinu er hann búinn að stofna starfshóp til að rannsaka vistheimilið á Hjalteyri, það tók mig 15 ár að ná eyrum ráðamanna, og ég get því ekki annað en hrósað honum fyrir skjót og fagleg vinnubrögð, meðan fyrrum dómsmálaráðherra og forsætisráðherra og barnamálaráðherra köstuðu þessari heitu karftöflu á milli sín til að brennast ekki á lófunum við að fást við erfitt barnaníðings mál.“
Steinar endar átakanlega færslu sína á þessum orðum:
„Umræðan um ofbeldi gegn konum, börnum og öðrum er blessunarlega uppi og ef viðbrögð ráðherra verða eitthvað á svipaðan veg og hann hefur tekið Hjalteyrar málið föstum tökum, þá held ég við ættum að gefa honum séns til að vinna með okkur gegn ofbeldismenningunni.“
Athugasemdir