Hulda nokkur, íbúi í Árbænum, ætlaði varla að trúa eigin augum þegar hún sá loðdýr skoppandi um götuna sína í hverfinu. Í fyrstu hér hún að rotta væri á ferðinni en áttaði sig svo á því að þarna var minkur á ferðinni.
Hulda segir frá þessu í hópi hverfisbúa á Facebook. Þar birtir hún myndband af minknum og spyr nágranna sína hvort þeir hafi orðið varir við þetta í hverfinu:
„ Hafið þið séð mink í Árbæ áður? Ég hélt þetta væri rotta fyrst. “
Svo virðist sem fjölmargir Árbæingar hafi áður séð mink í hverfinu og blanda hverfisbúar sér fjöldamargir í umræðuna. Aron er einn þeirra. „Þetta er ekkert nýtt… þú býrð við Elliðaár. Minnkurinn finnur sér fæði þar sem hann fæst,“ bendir Aron á.
Huldu líst ekkert á blikuna. „Nei hver andsk. þetta er fyrir utan hjá mér. Það er eins gott að loka hurðinni inn í stigaganginn svo hann komi ekki inn,“ segir Hulda.
Rakel hefur áður séð min í hverfinu. „Já ég og kallinn minn sáum einn fyrir framan Krónun fyrir nokkrum vikum,“ segir Rakel. Og Guðjón tekur undir. „Já það var minnkur í árbæjarlaug áðan. hann var á vappi fyrir framan gufu, hja ruslatunnu við kalda pott og var slatta undir brúnni fyrir utan innilaug. Ekki syndandi í lauginni,“ segir Guðjón.
Margrét nokkur hefur oft upplifað þetta. „Já nokkrum sinnum við krónuna og árbæjarlaug, segir Margrét.
Myndbandið af minknum í Árbænum má sjá hér fyrir neðan:
Athugasemdir