Aldís Schram, dóttir Jóns Baldvins Hannibalssonar og Bryndísar Schram brást við ásökunum Agnesar Bragadóttur, fyrrum starfsmanns Morgunblaðsins, um tilraun til nauðgunar. Agnes setti færslu á Facebook síðu Bryndísar Schram og hélt því fram að Aldís hafi reynt að nauðga sér inni í læstu herbergi á geðdeild.
Í samtali við Mannlíf segir Aldís þetta vera hlægilegt, Agnes hafi aldrei komið til hennar á geðdeild. ,,Á ég að vera orðin lesbía þá? Það er til skrá yfir allar heimsóknir á spítalann og hún er ekki þar. Að ég sé ávænd um nauðgun?! Og það á Agnesi Bragadóttur?! Það er sprenghlægilegt. Því væri ég lesbía – sem allir sem mig þekkja vita að ég er ekki, ætli ég hefði þá ekki valið mér girnilegra eintak en hana, gamla kerlinguna?!“.
Aldís hyggst tala við lögfræðinginn sinn og segir þetta efni í meiðyrðamál.
Sjá einnig:
Agnes Braga ræðst á Aldísi Schram: „Læst inni með froðufellandi kynlífsbrjálaðri graðkerlingu“
Aldís segist vera orðin sjóuð í málum sem fela í sér ásakanir í hennar garð og láti þetta ekki trufla sig, aldrei hafi hún þó verið sökuð um neitt þessu líkt. Hún hafnar öllum ásökunum.
„Þessi staðhæfing, sem sannar ekkert annað en skítlegt innræti Agnesar, er auðvitað helber lygi eða m.ö.o. tilvalið efni í meiðyrðamál.“
Athugasemdir