Brú yfir Fossvog – mat dómnefndar: „Skilvirkt samgöngumannvirki og fallegt kennileiti“

Úrslit í hönn­un­ar­sam­keppni um brú yfir Fossvog voru til­kynnt í gær.

Vinn­ings­til­lagan ber heitið Alda og fékk vinn­ings­til­lagan góða ein­kunn í öllum flokkum. Samtals hlaut hún 110,4 stig af 130 mögu­legum. Að baki til­lög­unni er teymi frá verk­fræði­stofn­unni EFLU.

Vega­gerðin bauð keppn­ina út á Evrópska efna­hags­svæð­inu fyrir hönd sam­starfs­að­il­anna og má sjá sýn­ing­una á til­lög­unum þremur í and­dyri Háskól­ans í Reykja­vík fram yfir helgi.

Nánari upp­lýs­ingar, myndir og mynd­bönd um til­lög­urnar eru á vef Borg­ar­lín­unnar.

Umsögn dómnefndar um brúnna

„Mann­virkið er lát­laust en jafn­framt kröft­ugt. Brúin virkar ein­föld við fyrstu sýn en vex við nán­ari skoðun. Brúin fellur áreynslu­laust að umhverfi sínu og mjúk bylgju­lögun brú­ar­innar er áhuga­verð skírskotun í öldur hafs­ins. Létt­leiki brú­ar­innar keppir ekki við nátt­úru­legt umhverfi heldur skapar fal­lega sýn á sjón­deild­ar­hring­inn fyrir veg­far­endur beggja vegna vog­ar­ins. Umferð fyrir alla sam­göngu­máta er greið og teng­ingar við brú­ar­enda vel útfærðar. Aðgrein­ing milli ólíkra sam­göngu­máta er vel leyst, stuðlar að öryggi allra veg­far­enda og aðgengi fyrir alla. Tillagan sýnir góða heild­ræna nálgun gagn­vart öllum þáttun tækni­legrar hönn­unar. Fram­setn­ing til­lög­unnar er mjög skýr og öllum þáttum vel lýst í máli og myndum. Efnisval brú­ar­innar er vel rök­stutt út frá end­ingu og við­haldi.“

Hönn­un­ar­sam­keppnin var opin og í tveimur þrepum. Á fyrra þrepi bár­ust 15 til­lögur sem nálg­uð­ust við­fangs­efni keppn­innar á mjög fjöl­breyttan hátt. Þrjár til­lögur hlutu flest stig í fyrra þrepi. Þær áttu það sam­merkt að vera með sterkt heild­ar­yf­ir­bragð og heild­ræna nálgun á veiga­mestu þætti verk­efn­is­ins.

Var það mat dóm­nefndar að brýr sam­kvæmt til­lög­unum þremur hefðu alla burði til að sinna hlut­verki sínu sem skil­virkt sam­göngu­mann­virki og sem fal­legt kenni­leiti á höf­uð­borg­ar­svæð­inu.

Bygging brúar yfir Fossvog er sam­starfs­verk­efni Vega­gerð­ar­innar, sveit­ar­fé­lag­anna Kópa­vogs­bæjar og Reykja­vík­ur­borgar, og Betri sam­gangna ohf. Brú yfir Fossvog er hluti af 1. áfanga Borg­ar­lín­unnar sam­kvæmt Sam­göngusátt­mál­anum.