Hvað eru þessir hvítu blettir sem við sjáum svífa yfir augunum þegar við deplum þeim?

Þegar maður horfir í ljósan bak­grunn sér maður stundum gagn­sæja depla svífa fyrir aug­unum, ekki ósvipað og ein­frum­ungar væru á ferð. Hvað er þetta eig­in­lega?

Reyndar eru þessir blettir einmitt ein­frum­ungar. Það sem við sjáum eru nefni­lega skuggar af hvítum blóð­kornum á leið um æðar í net­himn­unni.

Hvítu blóð­kornin drekka ekki í sig ljós á sama hátt og þau rauðu og verða þess vegna sýni­leg sem eins konar göt í streymi rauðu blóð­korn­anna.

Fyr­ir­brigðið mynd­ast í fín­gerðum æðum sem liggja rétt þar hjá sem sjónin er skörpust. Stundum má meira að segja sjá þessa bletti hreyfast í takt við hjart­slátt­inn.

Þeir gagn­sæju blettir sem flest fólk kann­ast við til­heyra svo­nefndum inn­a­n­auga-fyr­ir­brigðum en þau eiga það sam­eig­in­legt að ein­hver hlutur í aug­anu sjálfu varpar skugga á net­himn­una.

Annað slíkt fyr­ir­brigði eru svartir deplar sem stafa af óreglu­legu ástandi í glæru aug­ans.

Heimild:

Emma Davies. What are the wiggly things I see in my eyes when I look at the sky? BBC Science Focus Magazine. Slóðin.