Illa gengur að safna pökkum handa börnunum: „Með því lakasta sem við höfum séð um margra ára skeið“

Hin árlega pakka­söfnun í Kringl­unni gengur ekki vel í ár og er það því annað árið í röð sem illa gengur að safna pökkum.

„Raunin er sú að pakka­söfnun í ár og reyndar í fyrra er með því lakasta sem við höfum séð um margra ára skeið,“ segir Bald­vina Snæ­laugs­dóttir, mark­aðs­stjóri Kringl­unnar í við­talið við Frétta­blaðið.

Mögulega er ástæðan Covid far­ald­ur­inn að sögn Baldvinu.

„Við sjáum slá­andi mun frá fyrri árum, en við teljum að það hljóti að vera vegna Co­vid. Margar fjöl­skyldur höfðu það fyrir hefð að koma saman í Kringl­una og kaupa jóla­gjöf fyrir barn eða ung­ling sem fá ekki gjafir vegna fjöl­skyldu­að­stæðna. En nú er eins og fólk stoppi styttra við vegna ótta við smit og gefi sér ekki tíma eða gleymi að setja gjöf undir tréð.“

Baldvina segir einnig í við­tal­inu að boðið sé nú upp á nýj­ung til þess að bæta úr pakka­skort­inum.

„Fólk sem vill gefa börnum og ung­lingum sem minna mega sín gjafir fyrir jólin geti farið inn á kringlan.is og valið sér upp­hæð sem það vill láta renna í gjöf. Síðan erum við með litla jóla­álfa sem fara og kaupa gjaf­irnar og pakka þeim inn og merkja og setja undir tréð.“

Samkvæmt Frétta­blað­inu gengur einnig illa að safna gjöfum í Smára­lind­inni.