Davíð Oddsson spyr hvort næst verði bólusett við kvefi: „Er ekki allt í lagi?“

Davíð Oddsson, rit­stjóri Morg­un­blaðs­ins, veltir því fyrir sér í staka­steinum blaðs­ins hvort næst verði bólu­sett við kvefi.

„Miðað við fyrsta afbrigði veirunnar, sem greind­ist í Wuhan í Kína, leiðir Ómíkron til 29% færri sjúkra­húsinn­lagna, en 23% færri en Delta,“ Rann­sókn­in leiddi í ljós að bólu­efni Pfizer, sem veitt hef­ur 80% vörn gegn kór­ónu­veiru­smiti, veit­ir aðeins 33% vörn gegn smiti Ómíkronaf­brigðis­ins. Hins veg­ar eru ein­kenni bólu­settra yf­ir­leitt mun væg­ari, svo bólu­efnið veit­ir 70% vörn gegn sjúkra­hús­inn­lögn og þær yf­ir­leitt stutt­ar. Eng­inn lést af völd­um Ómíkron meðan rann­sókn­in stóð yfir. „Eins smit­ast börn frekar af Ómíkron en full­orðnir, en ein­kennin eru yfir­leitt væg og svipuð kvefi,“ sagði í frétt Morg­un­blaðs­ins í gær sem staka­stein­arnir vitna til.

„Þrátt fyrir þessa nið­ur­stöðu og aðrar svip­aðar skal í æði­bunu­gangi þvinga í gegn bólu­setn­ingu á börnum með vísun til Ómíkron. Er ekki allt í lagi?“ segir í staka­steinum Morg­un­blaðs­ins.