Seltirningar kafna úr fýlu fyrir jólin: „Þetta er búið að vera í mörg ár. Mjög pirrandi“

Edda nokkur, íbúi á Sel­tjarn­ar­nesi, kvartar sáran undan ólykt sem herjar í göt­unni hennar alla daga. Hún virð­ist ekki sú eina í bænum sem kvartar undan óþefnum því nágrannar hennar furða sig margir á hvaðan þessi fýla kemur.

Edda opnar á umræð­una í þræði í hópi Seltirn­inga á Facebook. Þar lýsir hún upp­lifun sinni með eft­ir­far­andi hætti:

„Herfileg bruna­stybba sem herjar hérna á Val­húsa­braut­inni dag eftir dag. Algjör skerð­ing á lífs­gæðum íbúa og sér­stak­lega erfitt fyrir þá sem hafa önd­un­ar­færa­sjúk­dóma. Lyktin er skelfi­leg. Það væri æski­legt að nágrannar hugs­uðu útí það,“ segir Edda.

Ýmsir íbúar spyrja sig hvað sé verið að brenna í bænum og hverjir standi að baki brun­anum. Sigríður finnur óþef­inn hjá sér. „Finnum oft þessa bruna­lykt hér á Miðbraut, líka mjög erfitt fyrir þá sem eru með mígreni, þetta er akkúrat svona lykt sem tryggrar að mígreni,“ segir Sigríður.

Og Nives þekkir vanda­málið. „Ég er á Miðbraut og þetta er búið að vera í mörg ár. Mjög pirr­andi,“ segir hún.

Magnús er ekki sáttur. „Þessi lykt er oft á Mela­braut líka á kvöldin, ein­hver ađ brenna rusli í arn­inum sínum eđa reykja kjöt í götu neđan Mela­brautar. Eina leiđin til ađ finna söku­dólg­inn er lík­lega ađ nota dróna međ hita­mynda­vél. Hef fengiđ þessa lykt innum svefn­her­berg­is­glugg­ann oft og þurft ađ sofa međ hann lokađan,“ segir Magnús.