Linda P: „Ég hafði lamast í báðum handleggjum, öðrum fætinum og svo missi ég málið“

Linda Pét­urs­dóttir, feg­urð­ar­drottn­ing, hlað­varps­stjórn­andi og athafna­kona á afmæli í dag. Ku hún vera 52 ára einmitt í dag.

Linda P eins og hún er iðu­lega kölluð, ólst upp á Húsavík til 10 ára ald­urs en flutti þá austur á Vopna­fjörð. Er hún miðju­barn í þriggja manna systk­ina­hópi. Árið 1988 gerði hún sér lítið fyrir og sigr­aði Ungfrú Ísland keppn­ina og sama ár vann hún eins og alþjóð veit, Ungfrú heimur alheims­feg­urð­ar­keppn­ina og varð þannig önnur konan frá Íslandi til að hljóta þann heiður.

Ungfrú heimur 1988

Mynd: Country Squire Magazine

Linda P átti lengi um ára­bil Baðhúsið sem bauð upp á spa fyrir konur. Fyr­ir­tækið var lýst gjald­þrota árið 2015. Síðan þá hefur Linda P ekki setið auðum höndum en hún sér um hið vin­sæla hlað­varp Lífið með Lindu P og þá heldur hún úti vef­síð­unni lindap.com þar sem hún bíður konum hjálp við að létt­ast og breyta lífs­stílnum.

Linda P

Linda var í við­tali hjá Loga Berg­manni Með Loga fyrir nokkrum árum þar sem hún fór yfir líf sitt, raunir og sigra. Segir hún meðal ann­ars frá heila­blóð­falli sem hún fékk árið 2017.

„Ég finn að ég er að detta út en skynja allt og heyri í öllum í kringum mig,“ segir hún. „Þú hringir ekki bara að gamni í sjúkra­bíl í Banda­ríkj­unum. Það er alveg átta og hálf milljón eða eitt­hvað, það er mjög dýrt. Þegar við komum á neyð­ar­mót­tök­una þurfti að halda á mér í hjóla­stól. Ég gat ekki hreyft mig. Ég hafði lam­ast í báðum hand­leggjum, öðrum fæt­inum og svo missi ég málið. Tungan hreyfð­ist ekk­ert og ég gat ekki talað. Það var ein hræði­leg­asta lífs­reynsla sem ég hef gengið í gegnum. Bæði er ég hrædd því ég vissi ekki hvað væri að ger­ast og líka yfir því að Ísabella var stödd þarna og horfir upp á þetta ger­ast. Að sögn Lindu var um að ræða vægt heila­blóð­fall, sem betur fer, og að Ísabella hafi staðið sig sem algjör hetja í þessum aðstæðum. Svo fer dóttir mín heim og ég er ennþá mál­laus og lömuð á spít­al­anum, en þá hafði hún sett svona gulan Post-it miða, sem ég sá þegar ég vakn­aði. Þar hafði hún skrifað: „Mamma mín, þetta verður allt í lagi. Ég elska þig.“ Þetta er það fyrsta sem ég sé þegar ég opn­aði augun og ég gleymi því aldrei. Það var ofboðs­lega fal­legt og þá fékk ég málið aftur.“

Mannlíf óskar Lindu P inni­lega til ham­ingju með afmælið.