Íslendingar á Tenerife vilja kæra Egil Gillz: „Hann má reikna með sekt eða fangelsi“

Íslend­ingar sem búsettir eru á Tenerife velta upp þeim mögu­leika að kæra Egil Ein­ars­son, oft­ast kall­aður Gillz, einka­þjálf­ara fyrir sótt­varn­ar­brot. Gillz gefur hrein­lega skít í harðar sótt­varn­ar­reglur á eyj­unni fögru og birtir stoltur af því myndir á sam­fé­lags­miðlum.

Íslenskir íbúar á Kanarí­eyjum ræða nú brot einka­þjálf­ar­ans í hópi sínum á Facebook, þar sem Covid-19 og sótt­varn­ar­mál eru gjarnan rædd. Þar hefur Díana Björns­dóttir, sem er iðin við að flytja fréttir af stöðu kór­ónu­veiru­far­aldrus­ins á eyj­unum, máls á brotum Gillz:

Þessa mynd birti Egill sem sýnir 10 manna hóp hans á veit­inga­stað þar sem aðeins mega koma 6 saman.

Egill er staddur á Tenerife að njóta með vinum sínum og fjöl­skyldu, þeirra á meðal er athafna­mað­ur­inn Ásgeir Kol­beins­son. Gillz hefur þaðan birt myndir af hópnum fjöl­menna að njóta á veit­inga­stöðum og þær myndir sýna glögg­lega að Egill er að brjóta sótt­varn­ar­lög eyj­ar­innar. Mynd­irnar sýna líka að einka­þjálf­ar­inn var þess full­með­vit­aður að hann væri að brjóta lögin.

Covid-staðan á Tenerife yfir hátí­ið­irnar hefur verið ískyggi­lega þar sem hátt í 3.000 ein­stak­lingar hafa verið að grein­ast dag­lega. Sótt­varn­ar­að­gerðir voru færðar upp á næst­hæsta stig í hættu­mati fyrir jólin.

Fjöl­margir þeirra Íslend­inga sem búa á Kanarí­eyjum furða sig á þess­ari hegðun Gillz. Margrét er ein þeirra. „Er sam­ferða­fólkið jafn heila­dautt og hann?,“ spyr hún.

Katrín er líka hneyksluð. „Það er bara SORGLEGT að sumt fólk skuli ekki geta/vilja fara eftir þeim reglum sem eru í gildi hverju sinni. Fjöl­margir hafa þurft að fórna miklu vegna covid að ég tali nú ekki um þá sem hafa veikst mikið eða jafn­vel dáið. Í þessu til­felli ætti þetta unga fólk sem er á mynd­inni að skamm­ast sín fyrir til­lits­leysið og vit­leys­is­gang­inn. Vonandi kom­ast þau öll heil frá þessu!!,“ segir Katrín.

Stella áttar sig á hverju Egill reynir að ná fram með þessu. „Hann póstar þessu til að fá athygli…. sem tókst greini­lega. Það eru nú samt 9 aðrar ábyrgar mann­eskjur við þetta borð öll eiga að taka ábyrgð á eigin heilsu,“ segir hún.

Hildur vill aðgerðir. „Af hverju sendið þið ekki inn kæru? Ef þau verða sektuð þá kannski breyt­ist hug­ar­farið. Veit­inga­húsið ber lika ábyrgð og ættu líka að fá sekt,“ segir hún. Og Oddgeir er á sama máli. „Hann má reikna með sekt eða fang­elsi. Spán­verjar taka hart á lög­brotum,“ segir Oddgeir ákveð­inn.