Hrafnhildur nokkur segist hafa fundið ótrúlega leið til að spara tugi þúsunda króna árlega. Ekki nóg með það heldur veitir þessi sama leið henni aukakrónur í staðinn og er gróði Hrafnhildar því um 50 þúsund á ári.
Hrafnhildur segir frá töfralausn sinni í fjölmennu samfélagi á Facebook, Sparnaðartips! Til að útskýra þetta betur skulum við gefa henni orðið:
„Ég skipti yfir í fyrirframgreitt kreditkort sem safnar líka aukakrónum í janúar 2021, í gegnum það set ég öll almenn innkaup fyrir heimilið s.s. mat, lyf, föt, bensín, jafnvel heimilistæki- t.d. ný þvottavél á árinu 2021,“ segir Hún og heldur áfram:
„Árin á undan notaði ég alltaf debetkort og borgaði þá um 15.000-20.000kr í þjónustu og færslugjöld á ári. Ég borgaði 3.300kr í árgjald fyrir nýja kortið, ég safnaði um 30.000kr í aukakrónur á árinu 2021. Var að taka saman þjónustugjöld á debetreikningnum árið 2021 þau rétt slefa í 2.500kr. Ég er bara mjög sátt við þessi skipti.“
Fjölmargir taka þá í umræðunni undir töfralausn Hrafnhildur og allir eru þeir henni þakklátir fyrir ráðið. Sólveit er rosalega þakklát. „Guð, ég hef aldrei notað þetta og þetta kom fyrir löngu ….Hvernig virkar þetta og get ég séð stöðuna inna heimabankanum?,“ spyr hún.
Elín hefur sjálf reynslu af þessari töfraleið. „Ég er líka með svona fyrirframgreitt kort og safnaði 18 þúsund aukakrónum á síðasta ári,“ segir hún. Og það hefur Sæunn líka. „Ég er með fyrirframgreitt kreditkort og elska þá breytingu – allt annað en þetta debet rugl sem kostaði mann bæði lungu og hendi í rekstri af því þjónustugjöldin voru svo mikið hærri,“ segir Sæunn.
Athugasemdir