Valdimar vill 1. sætið í Hafnarfirði: „Vill ekki íþyngjandi álögur á fjölskyldufólk“

Skóla­stjóri Öldutúns­skóla í Hafn­ar­firði, Valdimar Víðisson, hefur til­kynnt um fram­boð sitt til sveit­ar­stjórn­ar­kosn­ing­anna sem fram fara í vor.

Valdimar stefnir á efsta sætið og segir þetta um málið:

„Eftir nokkuð góða umhugsun hef ég ákveðið að gefa kost á mér til að leiða lista Fram­sóknar í kom­andi sveit­ar­stjórn­ar­kosn­ingum. Ég hef brenn­andi áhuga á bæj­ar­málum og sam­fé­lags­málum almennt. Síðustu 4 ár hef ég starfað sem for­maður fjöl­skyldu­ráðs. Ég hef áhuga á að láta enn meira að mér kveða á þessum vett­vangi og gef því kost á mér í þetta verk­efni.

Ég tel mig eiga fullt erindi í bæj­ar­stjórn Hafn­ar­fjarðar,“ segir Valdimar og heldur áfram:

„Ég hef tæp­lega 20 ára reynslu sem skóla­stjóri, í fámennum og fjöl­mennum skóla. Sú reynsla hefur nýst mér afar vel þessi tæpu 4 ár sem ég hef látið að mér kveða á vett­vangi stjórn­mál­anna. Fyrir utan þessi störf hef ég gegnt ýmsum trún­að­ar­störfum, bæði á hinu póli­tíska sviði og eins í skóla­málum. Ég flutti í Hafn­ar­fjörð árið 2008.“

Valdimar er giftur Sig­ur­borgu Geirdal og á hann einn son, tvær stjúp­dætur og tvö barna­börn.

„Ég fann strax og ég flutti hingað að hér ætti ég heima. Hafn­ar­fjörður er dásam­legur staður þar sem gott er að búa. Ég vill leggja mitt að mörkum til að Hafn­ar­fjörður verði áfram eft­ir­sókn­ar­verður staður til að búa á, hér sé áfram góð þjón­usta, hér séu ekki íþyngj­andi álögur á fjöl­skyldu­fólk, hér sé eldri borg­urum búið áhyggju­laust ævi­kvöld, hér sé áfram unnið að því að eyða biðlistum eftir hús­næði fyrir fatlað fólk, hér sé öfl­ugt íþrótta­starf, hér séu leik- og grunn­skólar í fremstu röð og svona mætti lengi telja. Ég hlakka til að kynna mig og mínar áherslur á næstu vikum.“