Enginn flýgur frá Keflavík – flugum aflýst vegna veðurs

Óveður geysar nú á land­inu og þurfti því að aflýsa flug­ferðum frá Kefla­vík­ur­flug­velli í morgun.
Íslensku flug­fé­lögin Play og Icelandair aflýstu sam­tals sjö flugum nú í morgun sem áttu öll að fljúga til Evrópu. Wizz Air og Eas Jet seink­uðu flug­ferðum sínum í morgun og inn­an­lands­flugum í dag aflýst.

Play þurfti því miður að aflýsa flug­ferðum til  Alicante og Tenerife en höfðu þau beðið far­þega um að mæta fyrr svo hægt væri að flýta flug­inu og vera þannig á undan veðr­inu. Það gekk þó ekki eftir en skal tekið fram að slíkar aðgerðir hafa oft gengið vel.

Morg­un­blaðið ræddi við Nadine Guðrúnu Yaghi, upp­lýs­inga­full­trúa Play sem sagði far­þeg­ana sýna aðstæðum skiln­ing.
„Veðrið er eitt­hvað sem við ráðum alls ekki við og far­þegar sýna þvi sem bet­ur fer skiln­ing þó þeir þurfi að fresta því um einn dag að kom­ast í sól­ina,’’ sagði Nadine um stöð­una.