Mikil lífsgæðaskerðing að missa tennurnar: „Þú verður hræddur við að hoppa, hjóla, kyssa einhvern“

Blaða­maður Mannlífs lagði á dög­unum land undir fót til þess að skoða umhverfi tann­lækn­inga í Búdapest sem og svo­kall­aðar túrista­tann­lækn­ingar. Sífellt fleiri Íslend­ingar leggja leið sína til borg­ar­innar í leit að ódýr­ari tann­lækna­þjón­ustu, einkum og sér í lagi þegar um er að ræða viða­meiri aðgerðir. 

Blaða­manni var boðið út á vegum Íslensku Klíník­ur­innar í Búdapest, stofu í eigu Íslend­inga. Umfjöll­unin er gerð í sam­starfi við stof­una.

Blaða­maður Mannlífs ræddi við Oddnýju Jakobs Krist­ín­ar­dóttur, yfir­ráð­gjafa á Íslensku Klíník­inni.

Seinni hluta umfjöll­unar um Íslensku Klíník­ina í Búdapest ásamt við­tal­inu við Oddnýju má finna í helg­ar­blaði Mannlífs.

Oddný Jakobs Krist­ín­ar­dóttir, yfir­ráð­gjafi á Íslensku Klíník­inni.

„Margir átta sig eflaust ekki full­kom­lega á því hvaða keðju­verk­unum það getur valdið að missa tenn­urnar og fá lausa gervi­góma. Við­kom­andi getur ef til vill inn­byrt meiri­hlut­ann af því sem við hin getum inn­byrt en það þarf hins vegar að mýkja allt. Með því að sjóða eða steikja til dæmis græn­meti fer mikið af nær­ingar- og stein­efnum úr því, sem og vítamín.

Það hefur áhrif á heils­una; mag­ann og ristil­inn. Gómarnir taka mikið af bragð­inu úr matnum því bragð­lauk­arnir skerð­ast. Sjálfs­ör­yggið; það fer. Þú verður hræddur við að hoppa, hjóla, renna þér á sleða, kyssa ein­hvern. Þú verður óör­uggur við að láta taka myndir af þér. Þegar þú getur ekki unnið almenni­lega úr fæð­unni geta komið hægða­vanda­mál. Þegar þú tapar stein­efnum og vítamínum úr fæð­unni getur það til dæmis leitt til liða­gigtar, æða­sjúk­dóma og hjarta­sjúk­dóma. Þannig að við getum haldið enda­laust áfram og rakið margt til tann­heilsu. Fólk sem missir tenn­urnar eld­ist hraðar vegna þess að lífs­gæðin skerð­ast.

Þannig að þetta er ekki alltaf spurn­ing um það hvað fólk er gam­alt, heldur hvernig tann­heilsa þess er. Við erum gerð til þess að borða fæðu en ekki taka bara vítamín og stein­efni.“

Oddný segir ýmsar leiðir í boði til að koma í veg fyrir að ástandið verði svona slæmt.

„Til þess erum við hér. Til þess að þessir hópar sem sjá sér ekki fært að við­halda almennri tann­heilsu geti komið til okkar og við passað að þeir hafi það sem við köllum sex­urnar. Það eru sex mik­il­væg­ustu tenn­urnar okkar; þær fremstu. Enda­jaxl­inn og jaxl­inn við hlið­ina á honum eru bara bónus. Þessar sex tennur eru þær mik­il­væg­ustu. Þær sem bíta í sundur, þær sem hjálpa okkur að mylja og þær sem tyggja. Við erum hér til þess að búa til plan fyrir þig, til þess að passa upp á að þær séu í lagi.“

Gervi­tennur, efri gómur.

Gervi­tennur, neðri gómur.

Þessi umfjöllun er gerð í sam­starfi við Íslensku Klíník­ina í Búdapest. Ferð blaða­manns á stof­una sem og þær með­ferðir sem hann und­ir­gekkst voru í boði stof­unnar. Blaða­maður ein­setur sér að fjalla um stof­una og reynslu sína af með­ferð­unum af heið­ar­leika.

Greinina má lesa í heild sinni í helg­ar­blaði Mannlífs.

Greinin hefur verið upp­færð.