Karlmaður á fimmtugsaldri ákærður fyrir stórfellt fíkniefnalagabrot – leynileg húsleit

Hér­aðs­sak­sókn­ari hefur ákært karl­mann á fimm­tugs­aldri fyrir stór­fellt fíkni­efna­laga­brot. Í ákærunni kemur fram að lög­reglan hafi farið í leyni­lega hús­leit á heim­ili manns­ins í des­em­ber fyrir þremur árum þar sem hún fann lítra af amfetamín­basa og rúm­lega 400 grömm af amfetamíni.

Í ákærunni segir að lög­regla hafi skipti út amfetamín­bas­anum fyrir annan vökva en látið amfetamínið vera vegna rann­sókn­ar­hags­muna. Lög­reglu­menn vigt­uðu engu að síður amfetamínið á staðnum, tóku sýni sem síðan var greint af tækni­deild­inni.

Mánuði eftir leyni­legu hús­leit­ina kom lög­reglan aftur á stað­inn. Maðurinn fram­vís­aði þá því amfetamíni sem eftir var eða rúm­lega 200 grömmum.

Hann er einnig ákærður fyrir brot gegn lögum um bann við til­teknum frammi­stöðu­bæt­andi lyfjum sem sak­sókn­ari telur að hann hafi ætlað að selja og dreifa. Þetta voru meðal ann­ars töflur og nokkuð af ambúlum.

Ákæran var þing­fest í Hér­aðs­dómi Reykja­víkur um miðjan þennan mánuð.