„Ég er algjörlega miður mín eftir Kastljós þáttinn í gær. Frammistaða mín var ekki góð – ég virkaði hrokafull og dónaleg, ég axla fulla ábyrgð á því,“ segir Hanna Björg Vilhjálmsdóttir sem gagnrýndi harðlega skrif Siggu Daggar um kynlíf og kyrkingar.
Þær tvær mættu í Kastljós og Hanna Björg er ekki ánægð með eigin frammistöðu, og biðst afsökunar:
„Mér finnst ömurlegt að hafa dottið í þennan pytt – og þarna sýndi ég konu sem ég vil alls ekki vera. Ég bið Siggu Dögg hér með afsökunar í allri einlægni. Það er rétt að taka fram, og hefði kannski átt að koma fram miklu fyrr, mér finnst Sigga Dögg hafa gert frábæra hluti, sett mál á dagskrá og komið með nýjan tón í kynfræðslu – þetta met ég.“
Hún segir í lokin að „gagnrýnin snerist um viðhorf Siggu Daggar til kláms og kyrkinga í kynfræðslu. Við þessa gagnrýni stend ég um leið og ég harma að frammistaða mín í gærkvöldi hafi kæft málefnalega umræðu um kynfræðslu – mikilvæg sem hún er. BDSM er ekki ofbeldi.
Athugasemdir