Andrea rúntaði með frú Vigdísi og biskupnum: „Ég vildi bara taka þessa stund inn í núvitund“

Afmæl­is­barn dags­ins er hin stór­glæsi­lega og bráðskarpa Andrea Róberts­dóttir, fram­kvæmd­ar­stjóri Félags kvenna í atvinnu­líf­inu og fyrr­ver­andi fjöl­miðla­kona. Andrea er 47 ára í dag.

Andrea var vin­sæl fjöl­miðla­kona á árum áður en var hún meðal ann­ars með­stjórn­andi þátt­ar­ins Sjáðu ásamt Teiti Þor­kels­syni og Ísland í dag en svo var hún einnig með sinn eig­inn þátt sem bar nafn hennar sjálfrar. Enn fyrr tók Andrea þátt í feg­urða­keppni Íslands og vann um tíma sem módel, meðal ann­ars í Mílanó á Ítalíu. Í dag lætur hún til sín taka sem fram­kvæmd­ar­stjóri Félags kvenna í atvinnu­líf­inu.

Í fyrra var hún í helg­ar­við­tali í Frétta­blað­inu þar sem hún til að mynda rifjar upp bíl­ferð með frú Vigdísi Finn­boga­dóttur.

„Ég var ráð­stefnu­stjóri í hátíð­ar­sal Háskóla Íslands þar sem Vigdís var einn gesta, en ég verð alltaf „starstruck“ þegar ég hitti hana.“ Að ráð­stefnu lok­inni spyr Andrea, Vigdísi hvort hún megi ekki skutla henni heim.

„Hún þiggur það og þegar ég sé biskup Íslands standa þarna rétt hjá spyr ég hana hvort hún vilji ekki líka far og hún segir já. Við röltum því út á bílaplan þar sem ég svo færi íþrótta­tösk­una til í aft­ur­sæt­inu svo bisk­upinn fái pláss þar og Vigdís sest fram í. Svo þar sem ég er að keyra, með Vigdísi við hlið mér og Agnesi biskup í aft­ur­sæt­inu hugsa ég með mér: „Hvar ann­ars staðar en á Íslandi er maður að skutl­ast með íþrótta­tösk­una, bisk­upinn og frú Vigdísi?“ segir Andrea og hlær. „Þetta er svo sér­ís­lenskt og geggjað. Þetta var það sér­stök stund fyrir mér að ég tók ekki einu sinni „sel­fie,“ ég vildi bara taka þessa stund inn í núvit­und.“

Mannlíf óskar Andreu inni­lega til ham­ingju með dag­inn!