Símafyrirtæki á undan ríkisstjórninni að bjóða upp á niðurgreidda sálfræðiþjónustu

Sím­fyr­ir­tækið Nova býður við­skipta­vinum sínum upp á tvo fyrir einn af sál­fræði­tímum. Nova hefur lengi boðið upp á afslætti og til­boð fyrir þá sem nýta sér þjón­ustu þeirra, oft­ast eru þau til­boð á mat og á veit­inga­stöðum en algjör nýj­ung er að bjóða upp á þessa þjón­ustu.

„Opnaðu þig. Þú færð 50 mín­útna sál­fræði­við­tal á net­inu hjá Mín líðan á 7.990 kr. 50 mín­útna við­tal en borg­aðu bara fyrir 25 mín­útur. Viðtölin fara fram í gegnum netið með öruggum hætti. Ekki van­rækja geð­rækt­ina, tal­aðu um til­finn­ingar.“

Á tímum Covid hefur eft­ir­spurn eftir sál­fræði­þjón­ustu auk­ist til muna, þjón­ustan er dýr en hver tími er að með­al­tali á 18.000 kr. Margir eru ánægðir með þetta fram­tak Nova og er þeim mikið hrósað í umræðu á Twitter, þó bendir einn not­andi á fárán­leika þess að sím­fyr­ir­tæki sé á undan rík­inu að nið­ur­greiða sál­fræði­þjón­ustu:„Við búum í landi þar síma­fyr­ir­tæki var á undan rík­is­stjórn­inni að bjóða upp á nið­ur­greidda sál­fræði­þjón­ustu.“