Einar Darri á daginn í dag: „Ég vil alltaf gleðjast yfir þessum degi og fagna minningunum“

„Elsku Einar Darri Ósk­ars­son,eng­ill­inn minn á dag­inn í dag -hund­rað, tvö­hund­ruð (10.02.00.) eins og þú sagðir alltaf „flottasta kennitala í heimi“

„Í dag fyllist hjarta mitt af öllum mögu­legu til­finn­ingum og ekki bara þær sem ég flokka sem erf­iðar, því ég fæ líka hlýju, gleði og þakk­læti í hjartað að hafa fengið að hafa þennan yndis dreng hjá mér í 18 ár og ég vil alltaf gleðj­ast yfir þessum degi og fagna minn­ing­unum sem ég , við fjöl­skyldan og vinir eigum með honum.Minn­ingar lifa að eilífu“ Skrifaði Bára Tóm­as­dóttir, móðir Einars Darra Ósk­ars­sonar á Facebook síðu sinni. Hún gaf Mannlífi góð­fús­legt leyfi fyrir birt­ingu.

Einar Darri á dag­inn í dag. Það má segja að hann haldi áfram að hafa jákvæð áhrif á heim­inn, þrátt fyrir að vera ekki lengur meðal okkar en fjöl­skylda hans hefur til­einkað sér mál­efni ung­menna í fíkni­vanda og staðið fyrir for­varn­ar­starfi, rann­sóknum og fræðslu, svo eitt­hvað sé nefnt. Allt í hans nafni.

Einar Darri lét lífið þann 25 maí árið 2018 vegna lyfja­eitr­unar, aðeins 18 ára gam­all.. Eftir and­lát Einars Darra stofn­aði fjöl­skyldan minn­ing­ar­sjóð í hans nafni og stóðu svo fyrir átak­inu „Ég á bara eitt líf“ sem hafði það mark­mið að sporna við og draga úr ofneyslu fíkni­efna.

„Í ágúst 2019 var nafnið stytt í “Eitt líf” og ákveðið var að leggja megin áherslu á þróun og fram­kvæmd á fræðslu og for­varna­verk­efni fyrir börn og ung­menni, for­eldra og starfs­fólk sem vinnur með börnum og ung­mennum. Þetta til­tekna verk­efni er ennþá í þróun og vinnslu. Fjármagn fyrir því verk­efni fékkst í styrkt­ar­söfn­un­inni “Vaknaðu” á vegum Á allra vörum.“ Stendur á vef­síðu verk­efn­is­ins.

Systir Einars Darra, Andrea Ýr, stóð fyrir masters­rann­sókn í nafni litla bróður: „Málefni rann­sókn­ar­innar er mis­notkun á lyf­seð­ils­skyldum lyfjum meðal ungra íslenskra karl­manna, sem eins og gefur að skilja er henni og okkur allri fjöl­skyld­unni mjög hug­leikið mál­efni. Fyrir þremur dögum var birt vís­inda­grein í erlendu tíma­riti sem bygg­ist á masters rann­sókn­inni“

„Með­höf­undar vís­inda­grein­ar­innar eru einnig magn­aðir ein­stak­lingar, Árni Johnsen  og Kjartan Þórsson  læknar og frum­kvöðlar sem bjuggu til snilldar Nið­ur­tröpp­un­ar­skema fyrir verkja­lyf. Einnig Sigrún Sigurðar  dós­ent við Háskól­ann á Akureyri og ein af þeim sem kom að stofnun frá­bærs lág­þrösk­ulda úrræðis fyrir ungt fólk“

Bára skrifar um alvar­lega stöðu en mikil aukn­ing hefur verið í mis­notkun ópíóða og fjall­aði Kompás um nýjan far­aldur. „Við í Minn­ing­ar­sjóðnum hans Einars Darra höldum einnig áfram að reyna að láta gott af okkur leiða og erum við stolt af verk­efnum okkar, til dæmis úrræða­leit­ar­vél­inni, sam­starfi við Samfés, náms­efna­gerð og fleiri verk­efnum sem eru í vinnslu.“