Snoop Dogg ákærður fyrir kynferðisbrot

Rapp­ar­inn Snoop Dogg hefur verið ákærður fyrir kyn­ferð­is­brot og ofbeldi gegn konu. Atvikið á að hafa átt sér stað í Kali­forníu árið 2013.

Meintur brota­þoli sem kærði hann vill ekki láta nafns síns getið og er auð­kennd sem Jane Doe í dóms­skjölum. Konan hefur einnig kært náinn vin rapp­ar­ans, Bishop Don Juan.

Snoop Dogg á að koma fram í hálf­leik Super Bowl á sunnu­dag­inn kemur en hvorki hafa tals­menn hans né Bishop Don Juan svarað fyr­ir­spurnum fjöl­miðla um málið.

Konan sem um ræðir er atvinnu­dans­ari, fyr­ir­sæta og leik­kona ásamt fleiru. Í dóms­skjöl­unum kemur fram að hún hafi verið sviðs­dans­ari fyrir þá Snoop og Bishop og fengið gjafir að launum.

Í vitn­is­burði kon­unnar segir að Bishop hafi boðið henni far heim eftir Snoop Dogg tón­leika þann 29. maí árið 2013. Hún seg­ist hafa sofnað í bílnum og að Bishop hafi þá farið með hana heim til sín alfarið án hennar sam­þykkis. Morg­un­inn eftir segir hún að hann hafi „tekið lim sinn úr bux­unum og þröngvað honum upp í munn hennar.“

Í vitn­is­burð­inum segir að næsta dag hafi Bishop Don Juan farið með kon­una í hljóð­verið til Snoop Dogg til þess að athuga hvort sá síð­ar­nefndi vildi ráða hana í hlut­verk í sjón­varps­þætti. Samkvæmt vitn­is­burð­inum á Snoop Dogg að hafa króað kon­una af þegar hún var á sal­ern­inu, neytt hana til þess að eiga við sig munn­mök og svo haft sáð­lát yfir bringu hennar og háls.

Konan seg­ist ekki hafa fengið hlut­verkið í sjón­varps­þætt­inum vegna þess að hún hafi „ekki verið viljug eða sýnt ákefð í að veita munn­mökin“.