Andri hefur ekki áhyggjur af rannsókn FIFA á KSÍ: „Getur verið að þetta sé bara eðlileg aðferð“

„Ég veit ekki betur en að KSÍ hafi verið í mjög góðu sam­bandi við UEFA og FIFA út af þessum málum. Það getur verið að þetta sé bara eðli­leg aðferð hjá þeim – að hvers konar mál sem það eru þá fari þau bara í ein­hverja nákvæm­ari skoðun,“ segir Andri Stef­áns­son, fram­kvæmda­stjóri ÍSÍ, aðspurður um hvernig það horfi við honum að siða­nefnd FIFA sé að rann­saka KSÍ í tengslum við afskipti og hegðun sam­bands­ins í máli þar sem Kolbeinn Sig­þórs­son var kærður fyrir ofbeldi árið 2017.

Sjá einnig: https://gamla.mannlif.is/frettir/innlent/fifa-horfir-til-islands-althjodleg-rannsokn-a-mali-thorhildar-gydu-og-ksi/

Andri seg­ist ekki hafa heyrt af téðri rann­sókn.

„Það er ekk­ert óeðli­legt að það sé verið að leita ein­hverra upp­lýs­inga. Ég veit að bæði UEFA og FIFA eru mjög vel upp­lýst um allt sem er búið að vera í gangi hjá sam­band­inu. Ég myndi halda að þetta væri bara verk­lag sem er bundið inn í þeirra reglu­verk; að það beri að skoða öll mál þegar þau koma upp, hvernig mál sem það eru. Ég hef þannig séð engar áhyggjur af því. Ég veit að allt sem er búið vera að gera hjá KSÍ í þessum málum und­an­farnar vikur og mán­uði hefur verið uppi á borðum.

Það var nátt­úru­lega farið í mjög ítar­lega skýrslu­gerð hjá þess­ari úttekt­ar­nefnd, sem tók málin út.“

Andri segir að nefndir séu að störfum alls­staðar í hreyf­ing­unni í hinum ýmsu mála­flokkum. Þarna sé því eflaust um ákveðið verk­lag að ræða sem þar er fyrir hendi.

„Heyrandi þetta í fyrsta skipti þá finnst mér þetta lang­lík­leg­asta skýr­ingin. Það er hlut­verk þess­ara stóru heims­sam­banda að passa upp á að mál séu í ákveðnum far­vegum og annað.

Ég hef trú á að þetta sé þannig.“