Grafarvogsbúar æfir yfir fyrirhugaðri líkbrennslu í hverfinu: „Persónulega finnst mér þetta galið“

Íbúar Graf­ar­vogs eru ugg­andi yfir áætl­unum um að reisa skuli bál­stofu á Halls­holti við Gufu­nes­kirkju­garð sem sinna eigi bálförum hér á landi næstu 50 ár.Fyr­ir­huguð bál­stofa á að þjóna öllum og vera búin tveimur raf­knúnum brennslu­ofnum með full­komnum hreinsi­bún­aði til að fjar­lægja alla mengun, að því er fram kemur í til­kynn­ingu. María nokkur, íbúi í Graf­ar­vogi, virð­ist þó ekki sann­færð og opnar á umræðu með færslu í hópi hverf­is­búa á Facebook.„Hvað finnst íbúum Graf­ar­vogs um þessa áætlun/ákvörðun um að í miðju íbúa­hverfi skuli reisa bál­stofu? Per­sónu­lega finnst mér þetta galið. Í fyrsta lagi, á bál­stofa heima í einu stærsta hverfi borg­ar­innar? Ég er per­sónu­lega engan vegin að treysta því að þeir fjár­festi í bún­aði sem taka mun ALLA mengun,“ segir María.Fjöl­margir íbúar blanda sér í umræð­una og skiptar skoð­anir eru um ágæti þess að fá lík­brennsl­una í hverfið. Rakel er ein þeirra sem mót­mælir.  „Sammála þér að það sé galið að setja meng­andi lík­brennslu inn í íbúð­ar­hverfi, sér­stak­lega með til­liti til reynsl­unnar sem er komin af lík­brennsl­unni í Fossvogi og lykt­ar­innar og meng­un­ar­innar sem fylgir þar,“ segir Rakel.Árný hefur sjálf reynslu af mengun vegna lík­brennslu. „Já þetta á ekki heima í íbúa­byggð, vann einu sinni á leik­skóla í Fossvogi og það lagði yfir svaka­leg lykt,“ segir hún. Sigurjón bendir á fleiri mögu­leika. „Aðrir staðir eru mun heppi­legri, eins og upp við fram­tíð­ar­kirkju­garð­inn við Úlf­ar­fell.“Margir Graf­ar­vogs­búar lýsa líka yfir ánægju sinni með við­bót­ina í hverfið. Einar er einn þeirra. „Gott mál að það sé að koma nýr og betri bún­aður en sá sem er í Öskju­hlíð. Þetta ætti að vera minni mengun en kemur frá við­ar­kamínum og örnum sem sumir eru með í hverf­inu og brenna eldi­við í á vetr­ar­kvöldum, segir Einar.María kemur síðan aftur inn og telur að þeir sem lýsa yfir ánægju sinni séu lík­lega þeir sem búa lengra frá kirkju­garð­inum. „Gaman væri að vita í hvaða hverfum Graf­ar­vogs þeir búa sem finnst í góðu að fá bál­stofu við Gufu­nes­kirkju­garð án spurn­inga og athuga­semda. Reikna pass­lega með því að þeir búi ekki í neðri hluta Húsa­hverfis eða Rima­hverfi næst garð­inum,“ segir María ákveðin.