Ómar segir rússneska herinn í afleitri stöðu: „Réttur her á röngum tíma?“

Ómar Ragn­ars­son, skemmti­kraftur og fyrrum fjöl­miðla­maður skrif­aði áhuga­verðan pistil við frétt af erf­ið­leikum rúss­neska her­ins í Úkraínu. Kallar hann færsl­una „Réttur her á röngum tíma?“

Rifjar Ómar upp árás­artil­raun þýska hers­ins við Moskvu í seinni heim­styrj­öld­inni 1941. Vill Ómar meina að séu frétt­irnar réttar, hafi taf­lið snú­ist við frá því í seinni heim­styrj­öld­inni.

„Ófarir þýska hers­ins í „Taifun“ sókn­inni til Moskvu haustið 1941 ættu að vera á vit­orði allra í Rúss­landi.

Ef frétt­irnar af hern­að­ar­far­ar­tækjum í djúpum skít núna eru réttar, er það ömur­legt fyrir rúss­neska her­inn sem kom fram með T-34 skrið­drek­ana í lok Orr­ust­unnar um Moskvu fyrir 80 árum.

T-34 var með mun breið­ari skrið­belti en þýsku drek­arnir og í ofaná­lag fram­leiddu Rússar tífalt fleiri ein­tök af honum, eða alls 84 þús­und.

Rúss­neskar her­sveitir, nýkomnar frá Síberíu, voru kapp­klæddar og blésu á frostið og kalið, sem drap margan þýskan dreng.

Þegar kóln­aði 1941 og drullan fraus tók ekki betra við, frostið var svo mikið að illa klæddir Þjóð­verjarnir frusu í hel, olían á vélum og drif­bún­aði varð seig, svo að allt stóð fast.

Und­an­farna viku virð­ist hlut­verkum hafa verið skipt og rúss­neski her­inn í afleitri stöðu.“