Gísli Marteinn segir Eurovision-stjörnuna Tusse vita vel hvernig nafnið hans hljómar á íslensku

Gísli Marteinn Bald­urs­son, sjón­varps­mað­ur­inn geð­þekki, full­yrðir að sænska Eurovision-stjarnan Tusse viti vel hvaða íslenska orðs nafni hans svipar til.

„Ég get vottað að honum er full­kunn­ugt um merk­ingu orðs­ins. Ég hafði sagt sænskum kollega mínum frá því og hann sagði Tusse. Þegar ég hitti Tusse dag­inn eftir í keppn­is­höll­inni kom hann til mín og sagði: ‘Oh so you are the commentator from Iceland. Pleased to meet you, I’m Cunt.’“ („Svo þú ert þul­ur­inn frá Íslandi. Gaman að kynn­ast þér, ég er tussa.“)

Tusse tróð upp á loka­kvöldi Söngvakeppn­innar á laug­ar­dag­inn og er óhætt að segja að atriðið hafi vakið mikla lukku. Lagið hans, Voices, er sama lag og hann flutti í Eurovi­son í Rott­er­dam í fyrra. Þar hafn­aði Tusse í 14. sæti.

Þeir voru senni­lega ófáir, Íslend­ing­arnir sem skemmtu sér yfir fimmaura­húmornum sem nafn sænska söngv­ar­ans kynti undir. Undir myllu­merk­inu #12stig á Twitter má finna nokkrar færslur þar sem þessu er velt upp.

Sumir von­uð­ust til þess að íslensku kynn­arnir myndu brjóta ísinn.

Ein­hverjir Svíar höfðu áhyggjur af Melodi­festivalen, for­keppni Sví­þjóðar fyrir Eurovision, fyrst Tusse væri staddur hér. Úrslita­kvöld þeirra var á laug­ar­dag­inn, eins og á Íslandi. Ein­hverjir höfðu gert ráð fyrir því að Tusse myndi afhenda bik­ar­inn, sem sig­ur­veg­ar­inn frá því í fyrra.

Tusse kærði sig koll­óttan um það allt saman.

(Það er þeirra vanda­mál, ég er að njóta Íslands.)

Enda virð­ist hann vera að hugsa um að setj­ast hér að.

(Ég er að hugsa um að flytja hingað)

Við tökum hann auð­vitað á orð­inu og bjóðum Tusse hjart­an­lega vel­kom­inn.