Annie Mist sökuð um steranotkun: „Orð hafa aðeins kraftinn sem þú gefur þeim“

Annie Mist Þór­is­dóttir opn­aði sig á Instagram í gær um lík­ams­virð­ingu og ásak­anir um stera­notkun.

Annie seg­ist sjá, eins og allir aðrir, hluti við sjálfa sig sem henni finnst ekki full­komnir og talar sér­stak­lega um mag­ann á sér. Hún seg­ist vera með gliðn­aða maga­vöðva sem versnuðu eftir með­göngu en hún átti dóttur árið 2020.

„Ég fæ ummæli þar sem ég er sökuð um að vera á sterum því maginn á mér stendur út. Einnig er ég spurð hvort ég sé ófrísk á ný og það getur verið sárt,“ skirfar Annie á Instagram og heldur áfram: „Sama hvað sagt er þá læt ég þessi ummæli ekki draga mig niður né fá mig til að vilja fela neitt.“

Annie þakkar þeim fylgj­endum sem koma henni til varnar í athuga­semdum.

„Orð hafa aðeins kraft­inn sem þú gefur þeim. Það er undir þér komið hvort þau hafa áhrif á þig,“ skrifar Annie að lokum.