Arna Ýr fær verri þjónustu ómáluð – „Þegar ég er feit virðist ekki miklu máli skipta hvað ég geri“

Arna Ýr Jóns­dóttir, áhrifa­valdur, feg­urð­ar­drott­ing og hjúkr­un­ar­fræði­nemi, sagði frá sorg­legum raun­veru­leika á Instagram síðu sinni í gær. Birti hún mynd af sér en þar stóð:
„Sad fact. Er að fara með gall­aða apple vöru í dag og ætla að mála mig og klæða mig vel svo það sé tekið mark á mér og varan tekin inn án vand­ræða. Ég lengi hrylli­lega oft í því að það er ekki tekið mark á mér þegar ég er ómáluð eða í jogg­ing gall­anum. Þegar ég er máluð og fínt klædd jafn­vel hælum finnst mér kk starfs­fólk oft stökkva til – til að aðstoða mig og segja áber­andi hátt “góðan dag get ég aðstoðað“! Þetta er að sjálf­sögðu engin alhæf­ing bara mín upp­lifun til margra ára. Vignir hefur meirað­segja tekið eftir þessu.“

Við­brögðin við færsl­unni létu ekki á sér standa. Örnu bár­ust í kjöl­farið ótal sögur þar sem konur sögðu frá sinni reynslu og mis­munun sem þær höfðu orðið fyrir sökum útlits. Birti hún skjá­skot af nokkrum þeirra:
„Er hjart­an­lega sam­mála þér en þetta sama á við um karl­kynið. Maðurinn minn talar um það sjálfur að það er miklu frekar tekið mark á honum eða hann fær betri þjón­ustu bæði frá kk og kvk þegar hann er vel til hafður.“

„Mjög satt.. svo hef ég verið alls­konar bæði feit og mjó.. en þegar ég er feit virð­ist ekki miklu máli skipta heldur hvað ég geri, hvort ég er í jogg­ar­anum eða í fín­asta punti það er bara oft­ast alls ekki tekið mark á mér eða tekið einu sinni eftir mér. Lendi ítrekað í því að öðru fólki er jafn­vel bara hleypt á undan mér án þess að vera virt við­lits.“

„Og ef þú ert í ofþyngd hefur fólk enga þörf á að bjóða góðan dag eða bjóða aðstoð í mörgum búðm… alveg óháð því hvað er selt í búð­inni. En ég er sam­mála, fínni föt og til­höfð og þá er frekar aðstöð í boði“.

Arna seg­ist von­svikin yfir stöð­unni í sam­fé­lag­inu.
„Við erum enn að díla við mis­mun­andi þjón­ustu útá hvernig við erum til fara eða hvaða kyn við erum, það er bara brú­tal sann­leikur,“ segir hún og bætir við að henni hafi einnig borist skila­boð, þar sem konur segja frá ferðum í bygg­inga­vöru­versl­anir.
„Þær liggur við fá ekki þjón­ustu því það er bara gert ráð fyrir að þær eigi ekki að vera í þessum störfum eða viti ekki neitt. Sumar hafa verið að mæta bara og segja ,,heyrðu ég er að kaupa þetta fyrir bróðir minn’’ og þá allt í einu er mikil aðstoð í boði fyrir bróð­ir­inn, sem er ekki til“.
Tekur Arna það fram að hún geri sér vel grein fyrir því að karl­menn geti einnig upp­lifað mis­mun­inn sem um ræðir. Þá setti hún inn færslu að lokum þar sem hún seg­ist ómögu­lega getað áttað sig á því hvað minni­hluta­hópar ganga í gegnum.
„Ég er örugg­lega flokkuð sem hvít for­rétt­inda­kona en ef ég er að finna þetta get ég ómögu­lega áttað mig á því hvað minni­hluta­hópar þurfa að upp­lifa og ganga í gegnum. Það eru líka miklu stærri eða alvar­legri þættir sem koma við sögu þar!“

Þá seg­ist Arna verða í morg­un­þætt­inum Bítinu á Bylgj­unni klukkan hálf 9 í dag.