Sanna þaggaði niður í meirihlutanum í kappræðu: „Þetta er eigna­fólk sem er að sópa til sín íbúðum“

Sanna Magda­lena Mörtu­dóttir, odd­viti Sós­í­alista­flokks­ins í Reykja­vík, lét ekki bjóða sér mál­flutn­ing meiri­hlut­ans í borg­inni um að þau séu að leysa hús­næð­is­vand­ann með því að byggja fleiri hús en nokk­urn­tíman áður í sögu borg­ar­innar. Kapp­ræður fóru fram milli odd­vita í borg­inni í þætt­inum Dagmál á mbl.is en þátt­ur­inn verður sýndur í dag.

Sanna fór á flug í mögn­uðu til­svari sínu enda málið henni mjög hug­leikið þar sem hún ólst upp við sára fátækt í Reykja­vík­ur­borg.

„Ef það geng­ur svona vel hjá meiri­hlut­an­um og þau hafa aldrei byggt meira af hverju eru þá um 900 á biðlista hjá fé­lags­bú­stöðum? Af hverju eru þá 860 í Reykja­vík í at­vinnu­hús­næði sem hent­ar ekki til bú­setu út af meðal ann­ars of háu leigu­verði? Af hverju er þá fólk að greiða 70 pró­sent af ráð­s­töf­un­ar­tekj­un­um sín­um í leigu?

Af hverju býr þá fólki inni á öðrum því það kemst ekk­ert annað? Af hverju eru þá fleiri að kaupa íbúð núm­er tvö en hafa ekki efni á að kaupa fyrstu íbúð? Af hverju eru þá fyr­ir­æki að kaupa íbúð núm­er tvö? Þetta er eigna­fólk sem er að sópa til sín íbúðum til þess að geta leigt til ann­arra, til þess að geta hagn­ast á neyð þeirra. Þannig að dæmið er ekki að ganga upp,“ sagði Sanna Magda­lena.