Glúmur segir Ingu Sæland hafa svikið sig: „Hefði orðið besti borgarstjóri aldarinnar“

Glúmur Bald­vins­son seg­ist hafa ving­ast við Ingu Sæland í síð­ustu alþing­is­kosn­ingum en nú virð­ist sem slest hafi upp á vin­skap­inn.

Glúmur, sem var einn skraut­leg­asti fram­bjóði síð­ustu alþing­is­kosn­inga, skrif­aði færslu á Facebook þar sem hann sagð­ist hafa ving­ast við Ingu Sæland, for­mann Flokks fólks­ins, í síð­ustu alþing­is­kosn­ingum. Ræddi hann við Ingu um hann yrði í einu efsta sæti flokks­ins í vor. Leyst henni stór­vel á hug­mynd­ina að sögn Glúms en hefur síðan ekk­ert svarað í sím­ann. Hér er færslan í heild sinni:

„Ég og frú Sæland urðum vinir í síð­ustu alþing­is­kosn­ingum. Ég taldi nauð­syn­legt fyrir Reyk­vík­inga að ég kæm­ist í borg­ar­stjórn og ræddum við Inga þá hug­mynd að ég yrði í einu efsta sæta flokks­ins í vor. Hún var afar jákvæð um hug­mynd­ina. Við afréðum að hitt­ast snemma í febr­úar og að ég hefði sam­band til að negla fund. Svo hafði ég sam­band en ekk­ert svar. Og svo aftur og aftur en aldrei svar. Lexían er sú að það er ekk­ert að marka Ingu Sæland og það sem verra er að Reyk­vík­ingar misstu þar með af hefði orðið besti borg­ar­stjóri ald­ar­innar.
En ég bið hæst­virta kjós­endur um að örvænta ekki. Því koma tímar koma ráð. Og ég geng­inn í Framsókn.“