Lögreglan á höfuðborgarsvæðinu hafði afskipti af ökumanni bifreiðar um klukkan sjö í gærkvöldi en skömmu áður barst tilkynning um ölvaðan ökumann í miðbænum. Bifreiðin var kyrrstæð á miðri akbraut en náði maðurinn að komast inn í bílinn, læsa og aka af stað. Tók við eltingaleikur alla leið í Hafnarfjörð og þaðan í Kópavog en ók maðurinn á yfir 200 kílómetra hraða á klukkustund. Ökumaður komst undan lögreglunni þegar í Kópavog var komið. Þá er vitað hver var undir stýri og var ástand hans mjög annarlegt er segir í dagbók lörgreglu, auk þess er maðurinn próflaus.
Síðar um kvöldið barst lögreglu tilkynning um líkamsárás í Kópavogi. Konan var með manninum í bíl þegar hún réðst á hann með þeim afleiðingum að hann ók á vegrið. Þá hafi annar maður komið að bílnum, opnað bílstjórahurðina og slegið manninn ítrekað í höfuðið. Flúði parið af vettvangi. Vitni gaf sig á tal við manninn sem lenti í árásinni og lögreglu og sýndu upptöku af atvikinu sem hann náði á símann sinn.
Strætó ók á stúlku í Kópavogi í gærkvöldi. Hafði hún verið hjólandi og farið snögglega út á götuna. Um minniháttar meiðsl var að ræða og í samráði við sjúkraflutningamenn var ákveðið að flytja hana ekki á slysadeild.
Nokkrir ökumenn voru stöðvaðir vegna gruns um akstur undir áhrifum fíkniefna. Einn þeirra reyndist próflaus á ótryggðum bíl.
Athugasemdir