Líf tísti um Davíð Þór og eyddi svo: „Davíð Þór… er mjög triggeruð – Ég þekki svona ofbeldismenn“

Borg­ar­full­trúi VG, Líf Magneu­dóttir, lét í sér heyra á sam­fé­lags­miðli með nokkrum látum – en eyddi síðan færsl­unni, sem var svona:

„Davíð Þór… er mjög trig­geruð. Ég þekki svona ofbeld­is­menn, hef elskað þá og búið með þeim og skilið við þá. Megi þeir finna frið í sál­inni,“ skrif­aði Líf í gær.

Nú hefur Líf beðist afsök­unar á þessum skrifum sínum og til­efni eyðslu færsl­unnar virð­ast vera það sem Davíð Þór sagði í við­tali mogg­ann; ummæli sem komu mjög illa út, og Davíð Þór hefur fetað sömu slóð og Líf gerði; hann baðst afsök­unar.

Séra Davíð Þór Jónsson

Mögulega er upp­hafið að þessum skeyta­send­ingum í nei­kvæðum tón séu harka­leg orð sem Davíð Þór við­hafði um rík­is­stjórn­ina vegna stefnu hennar í mál­efnum flótta­manna, en eins og kunn­ugt er stendur til að vísa um 300 útlend­ingum úr landi á næst­unni.

Jón Gunn­ars­son dóms­mála­ráð­herra vill senda 300 útlend­inga úr landi og á göt­una í Grikk­landi

Í Facebook-færslu sinni sagði Davíð Þór meðal ann­ars að það væri til sér­stakur staður í hel­víti fyrir fólk sem seldi sálu sína fyrir völd; og upp­skar áminn­ingu frá bisk­upi vegna ummæl­anna. Síðan þá hafa fjöl­margir komið Davíð Þór til varnar; sagt hann hafa haft fullt til­efni til skrif­anna.

Agnes M. Sig­urð­ar­dóttir biskup áminnti séra Davíð Þór vegna ummæla sinna

Í kringum allt þetta havarí hefur það verið dregið fram í dags­ljósið að Davíð Þór og Katrín Jak­obs­dóttir voru í sam­búð í mörg ár. Davíð Þór ræddi málið í við­tali við mogg­ann, og um  ást­ar­sam­band hans við for­sæt­is­ráð­herra:

Katrín Jak­obs­dóttir for­sæt­is­ráð­herra

„Umræðan ætti að snú­ast um það hvernig við sem sam­fé­lag kom­um fram við okk­ar minnstu bræður og syst­ur. Ef að ein­hverj­um finnst að sú umræða eigi að snú­ast um það hvernig til­finn­inga­lífi mínu var háttað fyr­ir tutt­ugu árum þá vit­um við hversu stór sál­in í því fólki er. Þar fyrir utan þá bjó ég aldrei með for­sæt­is­ráð­herra Íslands; það var allt önnur mann­eskja.“

Eftir þessi ummæli sá Davíð Þór ástæðu til að biðj­ast afsök­unar:

„Mig langar að biðj­ast afsök­unar á orðum sem höfð eru eftir mér á mbl.is. Blaða­maður hringdi í mig þar sem ég var önnum kaf­inn við að koma börnum mínum í hátt­inn. Við töl­uðum saman í tvær mín­útur. Í lok spjalls­ins fékk ég spurn­ingu sem ég taldi ekki koma mál­inu neitt við og lét eina van­hugs­aða setn­ingu falla í kjöl­farið. Auðvitað var henni slegið upp í fyr­ir­sögn en ekki það sem ég lagði áherslu á í okkar stutta spjalli að ætti að vera það sem málið sner­ist um. Ég iðr­ast þess­ara orða og tek þau hér með aftur. Umræðan á ekki að snú­ast um per­sónur, en ég lét blaða­mann­inn slá mig út af lag­inu og niður á það plan.“

Ekki er loku fyrir það skotið að þessi ummæli hafi verið til­efni skrifa Lífar um Davíð Þór í gær.

Og nú hefur Líf líka beðið afsök­unar á orðum sínum um Davíð Þór:

„Eyddi tísti sem var mjög illa tíma­sett … biðst afsök­unar á því.“

Þá kemur upp sú pæl­ing sem vef­ur­inn DV veltir fyrir sér lok greinar sinnar um þetta sama mál:

„Sú spurn­ing vaknar hvort allar tíma­setn­ingar séu ekki slæmar fyrir það að full­yrða að Davíð Þór Jónsson sé ofbeld­is­maður“