Katrín segir grunnt á fordómum gagnvart hinsegin fólki á Íslandi: „Þetta slær mig hræðilega“

Katrín Jak­obs­dóttir for­sæt­is­ráð­herra segir ofbeld­is­fram­komu ung­menna í garð hinsegin jafn­aldra sýna svart á hvítu að grunnt sé á for­dómum á Íslandi.

Hún seg­ist vera slegin yfir fréttum af slíkum málum og verið sé að grípa til aðgerða stjórn­valda til að upp­ræta slíka ómenn­ingu.

Komið hefur fram í fjöl­miðlum und­an­farið að hópur hinsegin ung­linga á höf­uð­borg­ar­svæð­inu seg­ist verða fyrir aðkasti dag­lega; sem eigi sér meðal ann­ars rætur sínar að rekja til sam­fé­lags­mið­ils­ins TikTok.

Ung­mennin segj­ast jafn­vel forð­ast að fara ein úr húsi og að for­eldrar þeirra lifi í stöð­ugum ótta; biðla til ann­arra for­eldra að fræða börn sín um skað­semi ein­eltis og áreitni.

Dæmi eru um að hinsegin ung­lingar hafi verið grýttir og þeim veitt eft­ir­för; gelt að þeim og þeim hótað líf­láti: Sögðu ung­menni sem rætt var við að vinur þeirra sem orðið hafði fyrir mjög miklu aðkasti hafi svipt sig lífi í fyrra.

Katrín for­sæt­is­ráð­herra er líka ráð­herra jafn­rétt­is­mála, og þessi staða vekur upp ugg hjá henni:

„Þetta slær mig auð­vitað bara hræði­lega. Það er mjög dap­ur­legt að ein­hvern veg­inn svona orð­ræða líð­ist í sam­fé­lag­inu,“ segir hún og nefnir að verið sé að setja saman starfs­hóp sem á að leggja til leiðir um hvernig hægt sé að takast á við for­dóma og hat­urs­orð­ræðu í íslensku sam­fé­lagi; að í hópnum verði full­trúar vinnu­mark­aðar, dóm­stóla, skóla og hags­muna­hópa.

Katrín segir Ísland hafa þok­ast ofar í alþjóð­legum sam­an­burði um rétt­indi hinsegin fólks; sér­stak­lega vegna laga­setn­inga að und­an­förnu sem ætlað er að tryggja að ástandið batni; en þó sé það þannig að oft taki langan tíma fyrir menn­ing­una að breyt­ast í sam­ræmi við laga­breyt­ingar:

„Það er einmitt meðal ann­ars verk­efni þessa hóps um hat­urs­orð­ræðu. Það er ekki bara að horfa á lög­gjöf­ina heldur hvernig getum við unnið að því að upp­ræta þessa ómenn­ingu.“

Katrín er þó á því að nokkuð langt virð­ist vera í land með að hægt verði að upp­ræta þennan óhugnað. Hún var spurð hvort það komi henni á óvart að for­dómar gegn hinsegin fólki skuli koma frá ungu fólki, sem ætti að hafa alist upp við nýrri og breytt við­horf:

„Ég held að þetta sýni okkur bara að það er grunnt á for­dómunum, þannig er það nú bara.“