Minnst fjórir eru látnir eftir að maður hóf skothríð á sjúkrahúsi í Tulsa, Oklahoma í Bandaríkjunum í kvöld. Maðurinn gekk inn á sjúkrahúsið vopnaður riffli, fór upp á aðra hæð og hóf skothríðina. Samkvæmt fréttamiðlinum CNN er fjöldi þeirra sem særðust enn á reiki en er í hið minnsta einn talinn alvarlega særður.
„Þetta var brjálæði þarna inni, með hundruð herbergja og hundruð manna sem reyndu að komast út úr byggingunni,“ sagði Richard Meulenberg lögreglustjóri Tulsa í samtali við CNN. Skotmaðurinn fannst síðar látinn og er hann talinn hafa svipt sig lífi.
Fréttin verður uppfærð.
Athugasemdir