Síðastliðinn föstudag féll dómur í Hérðsdómi Reykjaness yfir manni fyrir að hafa beitt konu ofbeldi, ólögmætri nauðung og nauðgað, á heimili hans, í janúar 2019. Ákærði hlaut tveggja ára fangelsisdóm og var dæmdur til að greiða brotaþola 1.8 milljónir króna auk allan sakarkostnað.
Í dómnum segir að ákærði hafi haldið brotþola, sest á bringu hennar og þvingað getnaðarlim sínum upp í munn hennar. Þegar brotaþoli náði að standa upp hafi ákærði ýtt henni á rúmið, girt niður um hana, stungið fingrum í leggöng hennar og haft við hana samræði.
Óskaði strax eftir aðstoð lögreglu
Samkvæmt skýrslu lögreglustjórans á höfuðborgarsvæðinu var óskað eftir aðstoð lögreglu aðfaranótt 26. janúar 2019. Þar sem brotaþoli lýsir ítarlega atvikum fyrir lögreglu. Konan var flutt til skoðunar á Neyðarmóttöku LSH vegna kynferðisofbeldis. Þar sem rætt var við konuna og m.a. tekið sýni úr dömubindi hennar og í því greindist sæði.
Ákærði neitaði sök
Ákærði neitaði sök fyrir dómi og sagði munnmökin hafa verið með samþykki hennar. Hann neitaði að hafa haft við hana samræði í gegnum leggöng þar sem konan hafði verið á blæðingum. Síðar lýsir hann aðstæðum að þau hafi reynt að hafa samræði í leggöng en mistekist þar sem getnaðarlimur hans hafi ekki haldið reisn sökum áhrifa áfengis.
Í mati dómsins kemur fram að frásögn ákærða hafi hvorki þótt stöðug né skýr. Framburður ákærða hafi að auki ekki samræmst gögnum málsins.
Frásögn brotaþola trúverðug
Mat dómsins var að frásögn konunnar væri stöðug og trúverðug og samrýmst gögnum málsins. Þá hefði niðurstaða sæðisprófa tæknideildar lögreglu styrkt framburð konunnar um samræði þvert á lýsingar ákærða.
Athugasemdir