Siggi Stormur yfirgefur Miðflokkinn: „Svona áfall gjörbreytir hugsun manns“

Sigurður Þ. Ragn­ars­son, betur þekktur sem Siggi Stormur, hefur ákveðið að segja skilið við Mið­flokk­inn í Hafn­ar­firði. Þessu segir hann frá á Facebook-síðu sinni. „Jæja þá er það ákveðið!“ segir hann.

„Þegar maður stendur á tíma­mótum er hollt að fara í gagn­rýna sjálf­skoðun,“ segir Siggi í upp­hafi tikynn­ingar sinnar.

Veður- og jarð­vís­inda­mað­ur­inn knái var bæj­ar­full­trúi og odd­viti Mið­flokks­ins í Hafn­ar­firði á síð­asta kjör­tíma­bili en náði ekki kjöri í sveit­ar­stjórn­ar­kosn­ing­unum í maí síð­ast­liðnum.

Í til­kynn­ing­unni talar Siggi meðal ann­ars um það sem drifið hefur á daga hans síð­ustu miss­eri.

„Eins og margir vita lentum við hjónin í miklu áfalli þegar sonur okkar varð lífs­hættu­lega veikur mán­uðum saman og sér ekki fyrir end­ann á. Svona áfall gjör­breytir hugsun manns og lífið og lífs­gæði fara í fremsta þrep. En þó áföllin dynji yfir mann, þá verður maður líka að reyna að halda áfram.“

Hann útskýrir að þegar hann hafi farið að spegla sig við stjórn­mála­flokka hafi hann kom­ist að raunum um að hann vildi setja mann­gæsku og mann­legar þarfir í fyrsta sæti.

„Ég hef alltaf verið svo­lítið til hægri og hef haft gaman að póli­tísku vaf­stri. Nú hef ég gert upp hug minn og ákveðið að hætta í Mið­flokknum og yfir­gefa hægrið,“ segir hann. Það er þó ekki svo að Siggi ætli að hverfa alfarið frá stjórn­málum, heldur ætlar hann að færa sig um set.

„Ég hef sem­sagt ákveðið að færa mig yfir lín­una til vinstri og ákveðið að ganga til liðs við Sam­fylk­ing­una. Þar sé ég sam­svörun við það sem mér finnst öllu máli skipta, þegar öllu er á botn­inn hvolft, lífs­gæði og vel­ferð fólks. Ég finn að ég er sáttur við sjálfan mig að hafa tekið þessa ákvörðun og ber ekki kala til nokk­urs manns. Ég hlakka hins vegar mikið til að fá að starfa með bæj­ar­mála­flokki Sam­fylk­ing­ar­innar í Hafn­ar­firði,“ segir í til­kynn­ing­unni.

„Svo mörg voru þau orð – hlýjar kveðjur til ykkar allra,“ segir hann að lokum.