Nóg að gera hjá Of Monster and Men þessa dagana: Frumsýning á Tribeca Film Festival í New York

Það hefur verið nóg um að vera hjá Of Monsters and Men und­an­farna daga.Á föstu­dag­inn kom út ný stutt­skífa (EP) frá Of Monsters and Men sem ber heitið TÍU. Ásamt því gerð­ist sá stór­merki við­burður fyrir sveit­ina að sam­nefnd heim­ild­ar­mynd þeirra, „TÍU“ var frum­sýnd á 2022 Tribeca Film Festival í New York á fimmtu­dag­inn síð­asta. Til fagna útgáf­unni kom sveitin fram á hátíð­inni og flutti þar þrjú lög.

Streymdu TÍU hér

Horfðu á mynd­bandið við Lonely Weather

Stutt­skífan TÍU inni­heldur nokkur af upp­á­halds lögum aðdá­enda Of Monsters and Men, þ.á.m. „This Happiness“, „Destroyer“ og „Visitor“ sem hafa sam­eig­in­lega verið streymt yfir 20 milljón sinnum á streym­isveitum.

Heim­ild­ar­myndin TÍU var leik­stýrð af góð­vini sveit­ar­innar Dean Deblois (Heima, Lilo & Stitch, How To Train Your Dragon). Í mynd­inni er fylgt sveit­inni víðs­vegar um landið eftir að alheims­tón­leika­ferð þeirra var stytt, sökum Covid far­ald­urs­ins. Í stað þess að ferð­ast um heim­inn fyrir fullum tón­leika­höllum og tón­list­ar­há­tíðum var ferðin tekin um landið þar sem þau fluttu lögin á hinum ýmsu stöðum víðs­vegar um landið.Þá er einnig komið út á YouTube tón­leik­arnir Of Monsters and Men – The Cabin Session. Þar sem sveitin flutti fyrstu plötu sína, „My Head Is an Animal“ í heild sinni í sum­ar­bú­staði hér á landi.

Horfðu á Of Monsters and Men – The Cabin Session hér

Á síð­asta ári kom út 10 ára afmæl­is­út­gáfa af My Head Is an Animal sem í fyrstu kom út staf­rænt en nú er loks­ins komin veg­leg vínyl útgáfa sem er komin í allar helstu plötu­búðir hér á landi og auð­vitað um allan heim.

Stutt­skífan (EP) TÍU kom út á föstu­dag­inn ásamt nýju lagi, „LONELY WEATHER“

Heim­ild­ar­myndin TÍU var frum­sýnd á Tribeca Film Festival

My Head Is an Animal „Cabin Sessions“ einnig komið út