Menn vöknuðu þegar ormar skriðu upp úr þeim: „Ég var alveg að drepast“

Nokkur dæmi eru um að hringormar hafi kom­ist í fólk og valdið usla í melt­ing­ar­vegi. Elías Svavar Krist­ins­son, sjó­maður frá Dröngum, rifjar upp slíkt til­vik í hlað­varp­inu Sjó­ar­anum þar sem félagi hans veikt­ist illa eftir að hafa fengið í sig lif­andi hringorm. Þetta gerð­ist við loðnu­veiðar og menn voru gjarnan að gæða sér á hráum loðnu­hrognum. Þá smit­að­ist einn af óværunni.

„Reyndar held ég að ég hafi smit­ast líka. Ég var alveg að drep­ast lengi. Við vorum að éta hrogn; spraut­uðum þeim ofan í glas. Tókum hrá hrogn og sumir settu kanel út á og átum þetta. Ég fékk mikla kvið­verki sem ég fékk aldrei skýr­ingu á. Og ég er alveg viss um að ég hafi líka fengið þetta. Svo fatta þessir ormar að þeir eiga ekki heima þarna og skríða ann­að­hvort niður úr manni eða upp úr. Það er annað hvort.“

Það hlýtur að vera svaka­legt að fá þetta upp úr sér.

„Já, menn hafa vaknað við þetta. Þetta er alþekkt,“ segir Elías og segir að til­fellum hafi fjölgað um helm­ing frá því að fólk byrj­aði að borða sushi.

HÉR má sjá og heyra við­talið í heild sinni.