Söfnun: Alexandra Eldey lést úr bráðri heilahimnubólgu aðeins 20 mánaða gömul

Fjöl­skylda og vinir Birgittu Jeanne Sig­ur­steins­dóttur og Finnboga Darra Guð­munds­sonar hafa hafið söfnun eftir að 20 mán­aða dóttir þeirra, Alex­andra Eldey, lést úr bráðri heila­himnu­bólgu þann 18.júní síð­ast­lið­inn. Frétta­blaðið fjall­aði um söfn­un­ina í morgun og ræddi við systir Birgittu, hana Eddu Sveins­dóttur, sem sagði ótal marga hafa haft sam­band til þess að leggja þeim lið. Veikindi Alexöndru gerðu fyrst vart við sig í flugi fjöl­skyld­unnar á leið til Madríd á Spáni, mið­viku­dag­inn 15.júní.

Birgitta og Finnbogi fóru með Alexöndru rak­leitt á sjúkra­hús þar sem hún gekkst undir rann­sóknir og henni gefin lyf. Undir morgun fengu þau leyfi til þess að fara með hana heim en að kvöldi næsta dags veikt­ist hún aftur mjög hratt. Var hún flutt á háskóla­sjúkra­húsið í Madríd þar sem læknar og hjúkr­un­ar­fræð­ingar gerðu allt sem í þeirra valdi stóð til þess að bjarga Alexöndru. Í frétt Frétta­blaðs­ins segir að lokum að fjöl­skylda óskar eftir því að þeim sé veittur friður til þess að takast á við sorg­ina.
Hægt er að leggja söfn­un­inni lið með því að leggja inn á eft­ir­far­andi reikn­ing hjá Íslands­banka:  Kt. 020190-3029 0537-14-104955