Guðný María greindist með ólæknandi krabbamein: „Ætla að keppa í Eurovision þegar ég verð 120 ára“

Guðný María Arn­þórs­dóttir söng­kona, auka­leik­ari og gleði­gjafi hefur greinst með ólækn­andi bein­mergs-krabba­mein. Segist hún þó ætla að verða að minnsta kosti 120 ára gömul.

Flestir kann­ast við hina hressu og skemmti­legu Guðný Maríu sem glatt hefur land­ann með lögum og mynd­böndum við þau á YouTube þar sem hún syngum með sínu nefi um eitt og annað, sum­arið, Akureyri, páska­há­tíð­ina og margt annað. Á dög­unum til­kynnti hún á Facebook að hún hefði verið greind með bein­mergs-krabba­mein sem heitir Waldenstroms og er ólækn­andi. Hér fyrir neðan má sjá færslu hennar sem er vel í hennar létta anda en hún er bjart­sýn þrátt fyrir allt.

Guðný María og frændi hennar, úlf­ald­inn.

Mynd: Aðsend

„í dag fékk Guðný María þær fréttir að hún hefði greinst með bein­mergs-krabba­mein sem heitir „Waldenströms“ sem er ólækn­andi. Hún byrjar í lyfja­með­ferð í næstu viku og miklu skiptir hvernig lík­ami hennar bregst við.

þetta er töff staða en samt sem áður get ég sagt þér að ég ætla að lifa og verða afar gömul kona, alla vega 120 ára, ég er alltof ung til að deyja og má alls ekki vera að þessu Ég á eftir að gera svo margt, stuðn­ingur þinn og vin­átta skiptir mig afar miklu, love you yndið mitt“

Mannlíf ræddi við Guðnýju Maríu um veik­indin.

„Lækn­arnir eru búnir að blanda sér­stakt blóð fyrir mig með þing­eyskum úlf­alda-blóð­kornum og lofti,“ sagði Guðný María glöð í bragði og átti þá við goð­sagna­kennda nið­ur­stöður úr blóð­rann­sóknum árið 1970 á blóði Þing­ey­inga en það ku inni­halda úlf­alda­blóð. Ekki er víst að rann­sóknin hafi í raun farið fram en sagan er góð engu að síður.

En hvernig sjúk­dómur er Waldenströms?

Samkvæmt heima­síðu Krabba­meins­fé­lags Íslands, Krabb.is er um að ræða sjald­gæft hæg­fara krabba­mein:

Waldenstömssjúkdómur er sjald­gæft krabba­mein. Þetta er ólækn­andi hæg­fara krabba­mein B-eitilfruma sem grein­ist oft­ast hjá eldra fólki þó dæmi séu um að ungt fólk grein­ist. Krabba­meinið mynd­ast þegar ónæm­is­frumur í lík­am­anum, sem ættu undir eðli­legum kring­um­stæðum að mynda mótefni og deyja að eðli­legum tíma loknum, fara út af spor­inu, byrja að skipta sér stjórn­laust og forð­ast það að deyja. Þá verða til allt of mörg ein­tök af þessum til­teknu frumum, og þar sem þær mynda mótefni þá verður of mikið af mótefnum í blóð­inu, sem verður þá seigt. Þetta hefur svo áhrif á fjöl­mörg líf­færi og ein­kennin geta verið ill­víg.

Fólk með sjúk­dóm­inn hefur margt lifað með sjúk­dómnum og ætlar Guðný María sér að ná 120 ára aldri eins og fyrr var getið. „Ég ætla að keppa í Eurovision með frum­samið lag þegar ég verð 120 ára,“ sagði Guðný María hress að vanda.