Ár hvert er gefinn út bæklingur með upplýsingum um kyn og margbreytileika í borginni. Í ár var áhersla lögð á innflytjendur og málefni hinsegin fólks.
Þetta er ellefta árið sem þessi útekt er gerð og má þar sjá að árið 1998 voru konur 1.694 innflytjenda í Reykjavík en karlar 1.224. Miðað við árið 2021 þar sem konur voru 11.482 og karlar 14.187. Þetta nemur 578% fjölgun á meðal kvenna og 1059% fjölgun á meðal karla og breytingu á kynjahlutföllum.
- Árið 2021 voru 49% umsókna kvenna um alþjóðlega vernd samþykktar en 39% umsókna karla.
- Á sama tíma voru 54% umsókna stúlkna samþykktar en 48% umsókna drengja.
- Talsvert fleiri umsóknir karla bárust eða 375 á meðan 197 konur sóttu um alþjóðlega vernd.
Fleiri nýta sér þjónustu borgarinnar
Fjöldi einstaklinga í þjónustu við transteymi fullorðinna hjá Landspítala fóru frá því að vera 49 árið 2018 í að vera 75 árið 2021. Árið 2022 höfðu 56 starfsstaðir Reykjavíkurborgar fengið Regnbogavottun Reykjavíkurborgar sem byrjað var að veita árið 2020.
Hlutfall þeirra sem nýttu sér ráðgjafaþjónustu Samtakanna ´78 árin 2020 og 2021 jókst um nær helming á meðal barna undir 13 ára aldri. Árið 2020 nýttu 4,8% barna á þessum aldri þjónustuna en árið 2021 voru þau 8%.
Hlutfallslegt atvinnuleysi eftir ríkisfangi í mars 2019, 2020, 2021 og 2022 var talsvert hærra hjá einstaklingum með erlent ríkisfang en þeim sem voru með íslenskt ríkisfang. Í mars 2022 var atvinnuleysi meðal fólks með erlent ríkisfang 8% eða fjórfalt hærra en meðal fólks með íslenskt ríkisfang sem var 1,8%.
Kynlegar tölur, er samantekt sem Mannréttinda- og lýðræðisskrifstofu Reykjavíkuborgar stýrir, en hægt er að skoða bæklinginn nánar á vef Reykjavíkurborgar.
Athugasemdir