Heilbrigðiskerfið brást Svanhildi – Fjölskyldan leitar til almennings

„Svan­hildur hefur lengi beðið eftir því að kom­ast til Þýska­lands í aðra aðgerð en Sjúkra­trygg­ingar Íslands hafa synjað umsókn hennar um fjár­hags­að­stoð í tvígang. Hún stendur því frammi fyrir því að þurfa að greiða aðgerð­ina sjálf. Áætlaður aðgerð­ar­kostn­aður eru 5,5 millj­ónir fyrir utan ferða­kostnað og uppi­hald. Nú er svo komið að Svan­hildur þarf að kom­ast í aðgerð­ina sem fyrst til að hún eigi mögu­leika á betri lífs­gæðum. Stefnt er að aðgerð­inni í sumar.“

Svo hljóðar færsla sem fjöl­skylda Svan­hildar Óskar Guð­munds­dóttur deilir á Facebook en þar óska þau eftir aðstoð almenn­ing svo hægt sé að bæta líf hennar. Svan­hildur er fædd árið 1984, upp­alin og búsett í Þor­láks­höfn, og á tvær ungar dætur, 16 ára og 12 ára. Líkt og fyrr segir þá fær hún enga aðstoð frá Sjúkra­trygg­ingum Íslands.

Hún á að baki erf­iða og langa veik­inda­sögu en í fyrra greind­ist Svan­hildur með nokkrar gerðir af æða­þjöpp­un­ar­heil­kennum (compression syndromes). Hún greind­ist með MALS (Median Arcuate Ligament Syndrome), May-thurner syndrome, Nutcracker syndrome, Pelvic congestion ásamt því að vera með EDS (Ehlers-Danlos syndrome) og fljót­andi nýru (migrat­ing kid­neys).

Fjöl­skylda Svan­hildar segir nauð­syn­legt að leita út fyrir land­stein­ana. „Þar sem lítil kunn­átta er hér á landi á þessum sjúk­dómum gekkst Svan­hildur undir aðgerð í Þýska­landi 2021 sem heppn­að­ist vel. Þetta var fyrsta skrefið í veg­ferð hennar að bata. Enn glímir hún þó við vanda­mál sem valda henni miklu verkja­á­standi, erf­ið­leikum með að nær­ast sökum verkja og ein­kenna frá melt­ing­ar­vegi, miklum ein­kennum frá tauga­kerfi, t.d. miklum pirr­ingi, skjálfta, svima, heila­þoku ásamt minnk­andi styrk í fótum og höndum og þarf hún stundum að not­ast við hjóla­stól.“

Ef söfn­unin gengur vel þá mun Svan­hildur fara aftur til Þýska­lands í aðra aðgerð. „Þar mun Svan­hildur gang­ast undir æða­ígræðslu (skipta út celiac æðinni vegna mik­illa þreng­inga), fjar­lægja mikið magn af örvef í kringum celiac æðina og hengja upp bæði nýrun til að auka blóð­flæði. Við fjöl­skylda Svan­hildar höfum því ákveðið, með hennar sam­þykki, að fara af stað með söfnun fyrir hana og höfum stofnað styrkt­ar­reikn­ing í hennar nafni. Við þökkum öllum þeim sem sjá sér fært að styrkja Svan­hildi og munum að margt smátt gerir eitt stórt! Ef söfnun þessi gengur vel og næst að safna fyrir aðgerð­ar­kostn­aði mun það sem umfram safn­ast gef­ast til góð­gerð­ar­mála.“

Styrkt­ar­reikn­ingur Svan­hildar

Kennitala: 260984-2689 Reikn­ings­númer: 0123-15-057954