Ívan Þór rétt slapp: „Endaði á því að hlaupa í runna og hringja í foreldra mína á Íslandi“

Ívan Þór Ólafsson, ferða­langur í Danmörku, er hepp­inn að vera á lífi en hann var fyrir utan versl­un­ar­mið­stöð­ina Field´s í Kaup­manna­höfn þegar maður hóf að skjóta þar á fólk. Ívan Þór segir í við­tali við RÚV að byssu­mað­ur­inn hafi ein­ungis verið nokkra metra frá honum. Ívan náði þó að koma sér undan í runna. Þar hringdi hann í for­eldra sína á Íslandi.

Ívan er á ferða­lagi á hús­bíl en honum hafði Ívan lagt á bílaplan­inu við Field´s. Hann varð skyndi­lega var um að eitt­hvað mikið væri í gangi „En svo fáum við veður af því að það sé verið að hleypa af skotum inni i Field´s og fljót­lega eftir það kemur maður með riffil út úr Field´s og gengur í átt­ina að okkur þar sem við stöndum.“

Ívan segir mann­inn hafa verið skammt frá sér. „Já, hann var mjög nálægt mér. Ég hrópa á son minn að koma sér í burtu. Hann kemur í átt­ina að okkur, þetta eru bara nokkrir metrar. Ég vissi ekki alveg hvernig ég átti að bregð­ast við, maður hálf­frýs… En ég end­aði svo á því að hlaupa nokkra metra í runna og hringja í for­eldra mína á Íslandi. Meðan ég var í sím­anum hleypti hann tveimur eða þremur skotum af. Og ég bara beið á jörð­inni. Það eina sem maður getur gert í svona stöðu er að forða sér.“

22 ára Dani hefur verið hand­tek­inn vegna skotárás­ar­innar. Nokkrir eru látnir en ekki ljóst hve margir.